މި އަހަރުގެ އަޟްޙާ އީދާ ގުޅުވައިގެން "ބޮޑު އީދަށް، ރިސޯޓަށް" ގެ ނަމުގައި ޕްރޮމޯޝަނެއް ދިރާގުން ތައާރަފްކޮށްފިއެވެ.

ދިރާގުން މިއަދު ނެރުނު ނޫސް ބަޔާނެއްގައި ބުނީ މި ޕްރޮމޯޝަންގެ ދަށުން ޖުމްލަ ތިން ނަސީބުވެރިއަކަށް ކޮންމެ މީހަކަށް 1،000 އެމެރިކާ ޑޮލަރުގެ އަގުހުރި ރިސޯޓު ޗުއްޓީއެއް ލިބިގެންދާނެ ކަމަށެވެ. ކޮންމެ ހަފުތާއަކު އެއް ނަސީބުވެރިއަކު ހޮވާ ގޮތަށް ހަމަޖެހިފައިވާ މި ޕްރޮމޯޝަން ކުރިއަށް ދާނީ މެއި 3 އިން 23 ގެ ނިޔަލަށެވެ.

Advertisement

މި ޕްރޮމޯޝަންގައި ބައިވެރިވެވޭނީ ދިރާގު ޕްރިޕެއިޑް، ޕޯސްޓްޕެއިޑް އަދި ފައިބަރ ބްރޯޑްބޭންޑް ކަސްޓަމަރުންނަށެވެ. ބައިވެރިވުމަށް 100 ރުފިޔާ އިން މަތީގެ އެޑް-އޮން ނުވަތަ ބޫސްޓަރެއް އެކްޓިވޭޓްކޮށް، ދިރާގު އެޕުގައިވާ "ބޮޑު އީދަށް ރިސޯޓަށް" ބެނާ އަށް ފިއްތައިލައިގެން އެންރޯލް ކުރެވޭނެ ކަމަށް ދިރާގުން ބުނެއެވެ.

ދިރާގުން ބުނީ އީދު ބަންދަކީ އާއިލާ އާއި ރަހުމަތްތެރިންނާ އެކު ތަފާތު ތަންތަނަށް ދަތުރުކުރާ ދުވަސްވަރަކަށް ވާތީ، މި ޕްރޮމޯޝަންގެ ބޭނުމަކީ ކަސްޓަމަރުންނަށް ހިތްގައިމު ތަޖުރިބާތަކެއް ހޯދައިދިނުން ކަމަށެވެ.