ކީރިތި ޤުރްއާނުގެ ޢިލްމާ ގުޅޭ ބިޔަ ޙަރަކާތްތަކެއް ރާއްޖޭގެ އެކި ކަންކޮޅުތަކުގައި ސިލްސިލާ ގޮތެއްގައި ކުރިއަށް ގެންދިއުމަށް ޖަމްޢިއްޔާ މަންފާއިން ނިންމައިފިއެވެ.

މި ނިންމުން ނިންމާފައިވަނީ މިއަދު ހަވީރު ބޭއްވި މަންފާގެ ހިންގާ ކޮމެޓީގެ ޚާއްޞަ ބައްދަލުވުމެއްގައެވެ. މި ޙަރަކާތުގެ އިސް ބޭފުޅަކަށް ހަމަޖައްސާފައިވަނީ މަޝްހޫރު ޤާރީ މުޙައްމަދު ތައުފީޤު ޢަލީ (ޤާރީ ތާއްޕެ) އެވެ. މި ޙަރަކާތާ ގުޅޭ އިތުރު ތަފްސީލް ވަރަށް އަވަހަށް ހާމަކުރާނެ ކަމަށް އެ ޖަމްޢިއްޔާއިން ބުނެއެވެ.

Advertisement

ދުވަސްއާ ވާހަކަ ދައްކަވަމުން ތައުފީޤު ވިދާޅުވީ، "ސިލްސިލާ ގޮތެއްގައި މި ހަރަކާތް މުޅި ރާއްޖޭގައި އިރާދަކުރެއްވިއްޔާ ހިންގުމަށް މި ނިންމީ. މި ހަރަކާތް އޮންނަ ރަށަކަށް ނުވަތަ އަތޮޅަކަށް އަޅުގަނޑުމެން މި ގެނެސްދެނީ ޤުރުއާނުގެ ބޮޑު ބަހާރެއް" ކަމަށެވެ.

ޤާރީ މުޙައްމަދު ތައުފީޤު ޢަލީ (ޤާރީ ތާއްޕެ) -  

މަންފާ ޖަމްޢިއްޔާ އުފެދުނުތާ އަދި ވީ ދިހަވަރަކަށް މަސް ދުވަސް ނަމަވެސް، މި ކުރު މުއްދަތުގެ ތެރޭގައި އެ ޖަމްޢިއްޔާ ވެފައިވަނީ ރާއްޖޭގެ ދައުވަތުގެ މައިދާނުގައި ފާހަގަކޮށްލެވޭ ޖަމްޢިއްޔާއަކަށެވެ. ގިނަ ރަށްރަށަށް ދަތުރުކޮށް ދަރުސްތަކާއި ފޯރަމްތަކާއި ޢަޤީދާ އަދި ނަމާދު ވޯކްޝޮޕްތައް ފަދަ ތަފާތު ޕްރޮގްރާމްތައް އެ ޖަމްޢިއްޔާއިން ދަނީ ހިންގަމުންނެވެ. މަންފާ އުފެއްދެވީ ދައުވަތުގެ މައިދާނުގައި 22 އަހަރު ޚިދުމަތް ކުރައްވާފައިވާ ޢަލީ ރަމީޒެވެ.