ވެލާނާ އިންޓަނޭޝަނަލް އެއާޕޯޓުގައި ލަންކާ ބައެއް ކަމަށް ބެލެވޭ ބަޔަކު މާރާމާރީ ހިންގާ މަންޒަރު ފެންނަ ވީޑިއޯއެއް އާންމުވެއްޖެއެވެ.

އާންމުވެފައިވާ އެ ވީޑިއޯގެ ކެޕްޝަންގައި ބުނަނީ އެއާޕޯޓު ތެރޭގައި ލަންކާ ބަޔަކު މަސްތުގެ ހާލަތުގައި ތިބެ މާރާމާރީ ހިންގާފައިވާކަމަށެވެ.

Advertisement

މިކަމާއި ގުޅޭގޮތުން މީޑިއާތަކަށް މަޢުލޫމާތުދެމުން ފުލުހުން މިއަދު ބުނެފައިވަނީ ވެލާނާ އިންޓަނޭޝަނަލް އެއާޕޯޓުގެ ޓެކްސީ ކިއު ސަރަހައްދުގައި ދެ ބައެއްގެ މެދުގައި ޒުވާބުކޮށް ހަމަނުޖެހުން ހިންގާކަމުގެ މަޢުލޫމާތު ރޭ ދަންވަރު 12:15 ހާއިރު ލިބުނު ކަމަށެވެ.

"ހަމަނުޖެހުން ހިންގިކަމަށް ތުހުމަތު ކުރެވޭ މީހުން ހާޒިރުކޮށް މަޢުލޫމާތު ސާފުކޮސް ވަނީ ނަސޭހަތް ދީފައި" ފުލުހުން ބުނެފައިވެއެވެ.

ބަލަންޖެހޭ ކަންކަން ބަލަމުން އަންނަ ކަމަށްވެސް ބުނެފައިވެއެވެ.