ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) ގެ ރައީސް ކަމަށް ޑރ. އާއިޝަތު ރަމީލާ އައްޔަންކުރަން ރައްޔިތުންގެ މަޖިލީހުން ރުހުން ދީފިއެވެ.

މި ސަރުކާރުގެ ފުރަތަމަ އެގްރިކަލްޗާ މިނިސްޓަރުކަންވެސް އަދާކުރެއްވި ރަމީލާ އެޗްއާރްސީއެމްގެ ރައީސްކަމަށް އައްޔަންކުރުމަށް މަޖިލީހުން ރުހުން ދީފައިވަނީ ދައުރުން ބޭރުން މަޖިލީހުން މިއަދު ބޭއްވި ޖަލްސާގައެވެ.

Advertisement

ރުހުން ދީފައިވަނީ ވޯޓުގައި ބައިވެރިވި 38 މެންބަރުންގެ އިއްތިފާގުންނެވެ.

އެ ކޮމިޝަންގެ ރައީސްކަމަށް ރަމީލާ އައްޔަންކުރުމަށް ރުހުން ދީފައިވާއިރު މިދިޔަ ޑިސެމްބަރު މަހުގެ ތިންވަނަ ދުވަހުން ފެށިގެން ރަމީލާ ހުންނެވީ އެ ކޮމިޝަނުގެ މެންބަރެއްގެ ގޮތުގައެވެ.

މި ސަރުކާރުގެ ފުރަތަމަ އެގްރިކަލްޗާ މިނިސްޓަރުކަން އަދާކުރެއްވި ރަމީލާ އެ މަގާމުން އިސްތިއުފާ ދެއްވީ 2024 ވަނަ އަހަރުގެ ޑިސެމްބަރު މަހުގެ ތެރޭގައެވެ. މަގާމުން އޭރު އިސްތިއުފާ ދެއްވީ ކެންސަރު ބައްޔަށް ފަރުވާ ހޯއްދެވުމަށެވެ.