މި އަހަރުގެ ނޮވެމްބަރު މަހުގެ ތެރޭގައި މާލެ ސަރަހައްދުގައި 100 އަށްވުރެ ގިނަ ވަރި ކޮށްދީފައިވާކަމަށް ދައްކައިފި

އެގޮތުން ފެމިލީ ކޯޓުން ހާމަކޮށްފައިވާ ނޮވެމްބަރު މަހުގެ ތަފާސްހިސާބަށް ބަލައިލާއިރު ނޮވެމްބަރު މަހު 169 ކައިވެނި ކޮށްދީފައިވާއިރު 108 ވަރި ކޮށްދީފައިވެއެވެ.

Advertisement

މި އަދަދަކީ އޭގެ ކުރީ މަސް ކަމުގައިވާ އޮކްޓޯބަރު މަހާއި އަޅާ ބަލާއިރު ދަށް އަދަދެކެވެ. އޮކްޓޯބަރު މަހު 135 ވަރި ކޮށްދީފައިވެއެވެ.

ނޮވެމްބަރު މަހުގެ ފެމިލީ ކޯޓުގެ އެހެނިހެން ތަފާސްހިސާބުތަކަށް ބަލައިލާއިރު ޖުމުލަ 209 މައްސަލައެއް ނޮވެމްބަރު މަހުގެ ތެރޭގައި ނިންމާފައިވާކަމަށް ފެމިލީ ކޯޓުން ބުނެފައިވެއެވެ. ވަރީގެ 153 މައްސަލައެއް ނިންމި ކަމަށް ބުނެފައިވެއެވެ.

ކުޑަކުދީންނާ ގުޅުންހުރި 12 މައްސަލައެއް ނިންމި ކަމަށް ބުނެފައިވެއެވެ. ޚަރަދުގެ 17 މައްސަލައެއް ނިންމިކަމަށް ބުނެފައިވެއެވެ. އަދި އާއިލީ އެހެނިހެން 21 މައްސަލައެއް ނިންމިކަމަށްވެސް ބުނެފައިވެއެވެ.