ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މާދަމާ ރޭ ހެންވޭރު ރައްޔިތުންނާ ބައްދަލުކުރައްވާނެކަން އިޢުލާނުކޮށްފިއެވެ.

މިކަން އިޢުލާނުކުރެއްވީ ސަރުކާރުގެ ތަރުޖަމާނު ހީނާ ވަލީދެވެ.

Advertisement

އެކަމަނާ މިކަން އިޢުލާނުކުރައްވަމުން ވިދާޅުވެފައިވަނީ ރައްޔިތުންނާ ގާތުން ބައްދަލުކުރައްވައި، އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށާއި، ރައްޔިތުން ކަންބޮޑުވާ ކަންތައްތަކާއި ޙިއްސާކުރައްވަން ބޭނުންފުޅުވާ ކަންކަން ސީދާ އަޑު އެއްސެވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބާއްވަވާ ސިލްސިލާ ބައްދަލުވުންތަކުގެ ތެރެއިން، ހެންވޭރުގެ ރައްޔިތުންނާ ބައްދަލުކުރެއްވުން 2025 ޑިސެމްބަރު 7 ވާ އާދީއްތަ ދުވަހުގެރޭ 20:30ގައި ކަލާފާނު ސްކޫލްގައި އޮންނާނެކަމަށެވެ.

"ވީމާ ހެންވޭރުގައި ދިރިއުޅުއްވާ ހުރިހާ ރައްޔިތުންނަށް މި ބައްދަލުވުމުގެ ދަޢުވަތު އަރުވަމު" ތަރުޖަމާނު ވިދާޅުވެފައިވެއެވެ.

ރައީސް އަންނަނީ މިފަދަ ސިލްސިލާ ބައްދަލުވުންތަކެއް ކުރިއަށްގެންދަވަމުންނެވެ.