ސުޕަރ އެޕް، އީޒެޕްގެ މުޢާމަލާތްތަކަށް ފައިސާ ދެއްކުމުގައި މިހާރު އެމް-ފައިސާ ޚިޔާރު ކުރެވޭނެއެވެ.

އިއްޔެއިން ފެށިގެން އެމް-ފައިސާ އީޒެޕްގައި އެކްޓިވްވެފައިވާއިރު މި ފުރުޞަރު އަންނަނީ ޑިސްކައުންޓްތަކަކާވެސް އެކުގައެވެ.

އެގޮތުން ފުޑް ޑެލިވަރީސް ތަކަށް ފަސް އިންސައްތައިގެ ޑިސްކައުންޓް އަދި ގްރޯސަރީޒް ޑެލިވަރީތަކަށް 10 އިންސައްތައިގެ ޑިސްކައުންޓް ލިބިގެންދާނެއެވެ. ޑިސްކައުންޓް ހޯއްދެވުމަށް އީޒެޕްގައި ޗެކްއައުޓްވާއިރު ޕްރޮމޯ ކޯޑުގައި “MFAISAA” ލިޔެ ޗެކްއައުޓްވުމުން ޑިސްކައުންޓް ލިބިގެންދާނެއެވެ.

އުރީދޫ ފިންޓެކް މޯލްޑިވްސް އިން އީޒަޕްއާ އެކު އާ ޕާޓްނަރޝިޕެއް ގާއިމްކޮށްފައިވަނީ މިދިޔަ މަހުގެ 23 ވަނަ ދުވަހުގައެވެ.

އެމް-ފައިސާ އަކީ ރާއްޖޭގައި އެންމެ އިތުބާރުކުރެވޭ ޑިޖިޓަލް ޕޭމަންޓް ސޮލިއުޝަންތަކުގެ ތެރޭގައި ހިމެނޭ ޑިޖިޓަލް ވޮލެޓެކެވެ. އީޒަޕްގެ އިންޓެގްރޭޝަން އަކީ ރާއްޖޭގެ އެކި ކަންކޮޅުތަކުގައި ޑިޖިޓަލް ހިދުމަތް ފޯރުކޮށްދިނުމަށް އެޅުނު މުހިންމު ފިޔަވަޅެކެވެ.

މި ޕާޓްނަރޝިޕްއާ ގުޅޭގޮތުން ވާހަކަދައްކަވަމުން އުރީދޫ ފިންޓެކް މޯލްޑިވްސްގެ ސީސީއޯ ހުސައިން ނިޔާޒް ވިދާޅުވީ އުރީދޫ ފިންޓެކްގެ ތަސައްވުރަކީ ޑިޖިޓަލް ޕޭމަންޓްގެ ހިދުމަތް މުޅި ރާއްޖެއަށް ފޯރުކޮށްދިނުން ކަމަށާއި އީޒަޕްއާ އެކު ޕާޓްނަރޝިޕް ހެދުމަކީ އެމްފައިސާ މެދުވެރިކޮށް އަވަސް، ރައްކާތެރި އަދި އިތުބާރު ހިފޭ ޑިޖިޓަލް މުއާމަލާތްތައް ގިނަ ބަޔަކަށް ފޯރުކޮށްދިނުން ކަމަށެވެ.

"މި އެއްބަސްވުމަކީ އީޖާދީ އުފެއްދުންތަކުގެ މައްޗަށް ބިނާކޮށް ސްމާޓް، ކަނެކްޓެޑް ޑިޖިޓަލް މޯލްޑިވްސްއެއް ބިނާކުރުމަށް އަޅުގަނޑުމެން ކުރާމުންދާ މަސައްކަތުގެ މުހިންމު ބޮޅެއް." ނިޔާޒް ވިދާޅުވިއެވެ.

މި ކަމާއި ގުޅޭގޮތުން އީޒެޕްގެ ސީއީއޯ އަދި ސީއެފްއޯ އަބްދުﷲ މިއުވާން ޝަރީފް ވިދާޅުވީ އީޒެޕްގެ ފޯކަސް ހުރީ ކަސްޓަމަރުންގެ އާންމު ދިރިއުޅުން ފަސޭހަކޮށްދިނުމަށް ކަމަށާއި އެމްފައިސާ އިންޓެގްރޭޓް ކުރުމާއެކު ފަސޭހަ، ރައްކާތެރި އަދި ހަރުދަނާ ޕޭމަންޓް އޮޕްޝަނެއް ކަސްޓަމަރުންނަށް ފޯރުކޮށްދެވޭކަމަށެވެ.

"އުރީދޫ ފިންޓެކް މޯލްޑިވްސްއާ އެކު ޕާޓްނަރޝިޕް ހެދުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް" އޭނާ ވިދާޅުވިއެވެ.

އުރީދޫ ފިންޓެކް މޯލްޑިވްސް އިން ބުނެފައވާގޮތުގައި މި ޕާޓްނަރޝިޕްގެ ސަބަބުން ރާއްޖެއަކީ ކޭޝްލެސް މުސްތަޤްބަލަށް ވާސިލުވެ، ޔުނިވާރސަލް ޑިޖިޓަލް އެކްސެސް އިތުރުކޮށް، ފައިނޭންޝަލް އިންކްލޫޝަން އިތުރުކުރުމަށް މަގުފަހިވެގެންދާނެއެވެ. އެމްފައިސާގެ މުއާމަލާތްތަކަކީ ފަސޭހަ، ރައްކާތެރި އަދި އިތުބާރު ހިފޭ މުއާމަލާތެއްކަން ކަށަވަރު ކުރެވެ އެވެ.