ޕީއެންސީ ލަޝްކަރަކީ އެންމެ ފުރަތަމަ ޤައުމު އިސްކުރާ ލަޝްކަރު ކަމަށާއި، މި ސަރުކާރުން ސިޔާސީ ގޮތުން ބަދަލު ހިފުމުގެ ރޫހެއް ނުގެންގުޅުއްވާނެ ކަމަށް ރައީސުލްޖުމްޙޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.

މިރޭ ޕީއެންސީން ބާއްވާ ބޮޑު އެއްވުމުގައި ވާހަކަފުޅު ދައްކަވަމުން ރައީސް ވިދާޅުވީ، އެންމެ އިސްކުރައްވަނީ ގައުމުގެ ހަމަޖެހުން ގާއިމް ކުރެއްވުން ކަމަށެވެ. އަދި މި ސަރުކާރުން ސިޔާސީ ބޭނުމުގައި އެއްވެސް މީހަކު ހައްޔަރެއް ނުކުރައްވާނެ ކަމަށް ވެސް ރައީސް ވިދާޅުވިއެވެ. 

Advertisement

ރައީސް އިތުރަށް ވިދާޅުވީ، މި ޤައުމަށް ހަގީގީ ހަމަޖެހުން އަންނަ ރައީސް ބޭނުންފުޅުވެ ވަޑައިގަންނަވާ ކަމަށެވެ. އަދި ހަގީގީ ހަމަޖެހުން އަންނާނީ އެ ބަދަލު ހިފުމުގެ ނުބައި އޮއެވަރު މިގައުމުން ނައްޓާލައިގެން ކަމަށެވެ.

އަދި ޕީއެންސީގެ ލަޝްކަރަކީ ޤައުމު އިސްކުރާ ލަޝްކަރު ކަމަށާއި، އެ ލަޝްކަރުން މަސައްކަތް ކޮށްފައިވާނީ ގައުމު އިސްކޮށްގެން ކަމަށާއި، އަމިއްލަ ކަންކަމަށް ވުރެން ޕީއެންސީ ރައްޔިތުން އިސްކުރީ ޤައުމު ކަމަށް ރައީސް ވިދާޅުވެފައިވެއެވެ.

މިރޭ ޕީއެންސީން ބާއްވާ ބޮޑު އެއްވުމުގައި ގިނަ އަދަދެއްގެ ސަޕޯޓަރުން ބައިވެރިވެފައިވާއިރު، އެ ސަރަހައްދު އެއްކޮށް އޮތީ ތޮއް ޖެހިފައެވެ. މި ހަރަކާތުގައި ބައިވެރިވުމަށް އެކި ރަށްރަށުން އިއްޔެއިން ފެށިގެން އައީ މާލެ އަންނަމުންނެވެ.