ރާއްޖޭގައި ސީ ޕްލޭން އޮޕަރޭޓްކުރާގޮތް ދަސްކުރުމަށް އިންޑިއާގެ ވަފުދެއް ރާއްޖެ އައުމަށް ހަމަޖެހިފައިވާކަމަށް އިންޑިއާ މީޑިއާއިން ރިޕޯޓުކޮށްފިއެވެ.

އެގޮތުން އިންޑިއާ ސަރުކާރުގެ މަސްދަރަކާ ހަވާލާދީ ދަ ހިންދޫ ނޫހުގެ ބިޒްނަސް ލައިންގައި ރިޕޯޓްކޮށްފައިވާގޮތުގައި އެ ވަފުދުގެ ދަތުރުގައި ރާއްޖެއިން ސީ ޕްލޭން އޮޕަރޭޓް ކުރުމުގައި ގެންގުޅޭ މޮޑެލާއި އެކަމަށް ރާއްޖެއިން ފައްކާކޮށްފައިވާ އީކޯ ސިސްޓަމް ދަސްކުރާނެއެވެ.

Advertisement

ރާއްޖެ އަންނަ ވަފުދުގައި އިންޑިއާގެ ސިވިލް އެވިއޭޝަން އޮތޯރިޓީގެ އޮފިޝަލުންވެސް ހިމެނޭކަން ހާމަކޮށް ބުނެފައިވަނީ އެ ދަތުރަކީ އެ ޤައުމުގައި ސަރުކާރުން މުޅި ޤައުމަށް ވައިގެމަގުން ކަނެކްޓިވިޓީ ފުޅާކުރުމަށް އެކުލަވާލާފައިވާ ޕްލޭން "އުޅާން 5.5" ގެ ދަށުން ކުރިއަށްގެންދާ ދަތުރެއް ކަމަށެވެ.

ރާއްޖެއަކީ މުޅި ދުނިޔޭގައިވެސް އެންމެ ބޮޑު ސީޕްލޭން ފްލީޓް އޮޕަރޭޓްކުރާ ޤައުމެވެ.