ކ. ކާށިދޫ ގެއަކުން ވައްކަންކުރި މީހަކު ހައްޔަރުކޮށް ބަންދަށް މުއްދަތު ޖަހާފައިވާކަމަށް ފުލުހުން ބުނެފިއެވެ.
ފުލުހުން ބުނެފައިވާގޮތުގައި އެ ރަށު ގެއަކުން ވައްކަންކުރިކަން ރިޕޯޓްކޮށްފައިވަނީ މި މަހުގެ 25 ވީ ހޮނިހިރު ދުވަހުގެ ރޭ 8:00 ހާއިރުގައެވެ.
އެ މައްސަލައިގާ ކޯޓު އަމުރެއްގެ ދަށުން އުމުރުން 30 އަހަރުގެ މީހަކު ހައްޔަރުކުރީ އިއްޔެ ކަމަށް ފުލުހުން ބުނެއެވެ. އަދި ވަގަށްނަގާފައިވާ ލެޕްޓޮޕަކާއި ޓެބްލެޓެއް ފުލުހުން ހޯދާފައިވާކަމަށްވެސް ފުލުހުން ބުނެއެވެ.
ފުލުހުން އިތުރަށް ބުނެފައިވާގޮތުގައި މި މައްސަލައިގާ ހައްޔަރު ކުރި މީހާގެ ބަންދަށް އެ ރަށު މެޖިސްޓްރޭޓް ކޯޓުން ފަސް ދުވަހުގެ ބަންދުގެ މުއްދަތެއް ދީފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް