ދެކުނުގެ ގިނަ ރަށްތަކެއްގައި ފެންބޮޑުވެ ގޭގެއަށް ފެންވަދެއްޖެ – އަނެއްކާވެސް ޔެލޯ އެލާޓް

މިހާރު ރާއްޖެއަށް ކުރަމުންމިދާ ހުޅަނގު މޫސުމުގެ ވިއްސާރައިގާ ދެކުނުގެ ގިނަ ރަށްތަކެއްގެ ގިނަ ގޭގެއަށް ފެންވަދެ ބޮޑެތި ގެއްލުންތަކެއް ލިބެމުންއެބަދެއެވެ. ވިއްސާރަ ގޯސްވެދާނެ ކަމަށް ލަފާކޮށް މޫސުމާއިބެހޭ ގައުމީ އިދާރާއިން މިވަނީ ޔެލޯ އެލާޓްގެ ވަގުތު މިރޭ ފަތިހު 04:15 އާއި ހަމައަށް އިތުރުކޮށްފައެވެ.

ފެން ބޮޑުވެ ގެތަކަށް ފެންވަދެފައިވާ ރަށްތަކުގެ ތެރޭގައި ގދ. ތިނަދޫ، ލ. ގަން، ތ. މަޑިފުށ ތ. ދިޔަމިގިލި ލ. މާމެންދޫ ލ. ކުނަހަންދޫ އަދި ލ.ހިތަދޫ ހިމެނެއެވެ.

https://twitter.com/PoliceMv/status/1134159877125955584

ދެންމެ ނެރުނު ޔެލޯ އެލާޓްގައި ބުނެފައިވަނީ މިރޭ 12:15 އާއި މިރޭ ފަތިހު 4:15 އާއި ދެމެދުގެ ވަގުތުތަކުގައި ވ. އަތޮޅުން ގދ. އަތޮޅަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށެވެ. މި ވަގުތުތަކުގައި ވިލާގަނޑުގައި 45 މޭލަށް ވައިގަދަވާނެ ކަމުގައިވެސް ބުނެފައިވެއެވެ.

https://twitter.com/PoliceMv/status/1134157718384717824

ފުލުހުންނާއި އާންމުންނާއި އެ ރަށްރަށު ކައުންސިލުން ގުޅިގެން ގޭގެއަށް ފެންވަނުން މަދު ކުރުމަށް ގިނަ މަސައްކަތްތަކެއް އަންނަނީ ކުރަމުންނެވެ. މައުލޫމާތު ލިބިފައިވާގޮތުގައި މިހާތަނަށް އެކި ރަށްރަށް ހިމެނޭހެން މިހާތަނަށް 300 އަށްވުރެ ގިނަ ގޭގެއަށް ވަނީ ފެން ވަދެފައެވެ.

https://twitter.com/PoliceMv/status/1134156394326908928