ގަމުގައި ސޭޓަކަށް ބިރުދައްކައިގެން ފޭރުނު މައްސަލައެއްގައި ދެމީހަކު ހައްޔަރުކޮށްފި

މިއަދު ހަވީރު ގަމު މުކުރިމަގު ފިހާރައެއްގެ ސޭޓަށް ބިރުދައްކައިގެން އެ ފިހާރައިން ފައިސާ ފޭރުނު މައްސަލައިގާ ދެމީހަކު ހައްޔަރުކޮށްފިއެވެ.

ފުލުހުން ބުނެފައިވާގޮތުގައި މި މައްސަލައިގާ ކޯޓު އަމުރެއްގެ ދަށުން އުމުރުން 28 އަހަރުގެ މީހަކު ހައްޔަރުކޮށްފައިވަނީ މިރޭ 06:45 ހާއިރުގައެވެ. ހަމަ މި މައްސަލައިގާ ކޯޓު އަމުރެއްގެ ދަށުން އުމުރުން 49 އަހަރުގެ މީހަކުވެސް ހައްޔަރުކޮށްފައިވާކަމަށް ފުލުހުން ބުނެފައިވެއެވެ.

އެ ފިހާރައިން ފޭރިފައިވަނީ ހަވީރު 4:50 ހާއިރުގައެވެ. ކައުންޓަރުގައި އިން ކުއްޖާއަށް ވަޅިން ބިރުދައްކައި އެ ފިހާރައިގެ ކައުންޓަރުގައި ހުރި 4000 ރުފިޔާ ފޭރިގެންފައިވާކަމަށް ފުލުހުން ބުނެފައިވެއެވެ.