ތ. ހިރިލަންދޫއިން މަސްތުވާ ތަކެއްޗާއިއެކު މީހަކު ހައްޔަރުކޮށްފި

ތ.ހިރިލަންދޫގައި މަސައްކަތްކުރާ ފުލުހުންނާއި ފުލުހުންގެ އިންޓެލިޖެންސް ގުޅިގެން ހިންގި އޮޕަރޭޝަނެއްގައި މަސްތުވާތަކެއްޗާއެކު މީހަކު ތ.ހިރިލަންދޫން ހައްޔަރުކޮށްފިއެވެ.

ފުލުހުން ހާމަކުރި ގޮތުގައި، އެ ރަށުގައި މަސްތުވާ ތަކެތި ގެންގުޅޭ ކަމަށް ފުލުހުންނަށް ލިބުނު މައުލޫމާތަކާއި ގުޅިގެން ޖޫން 27 ވަނަ ދުވަހުގެ 12:00 ހާއިރު ހިންގި ހާއްސަ އޮޕަރޭޝަންއެއްގައި ހައްޔަރުކޮށްފައިވަނީ 20 އަހަރުގެ ފިރިހެނެއް ކަމަށެވެ.

އެގޮތުން އޭނާ ބަލާ ފާސްކުރި އިރު މަސްތުވާތަކެތި ކަމށް ޝައްކުކުރެވޭ އެއްޗެއްހުރި 110 ރަބަރު ޕެކެޓް ފެނިފައިވާކަމަށްވެސް ފުލުހުން ވިދާޅުވިއެވެ.

އެގޮތުން މައްސަލާގައި ހައްޔަރުކޮށްފައިވާ މީހާގެ ބަންދާއިމެދު ގޮތެއް ނިންމުމަށް ތ.ވަންދޫ މެޖިސްޓްރޭޓް ކޯޓަށް ހާޒިރުކުރުމުންވަނީ އޭނާގެ ބަންދަށް 15 ދުވަސް ޖަހާފައެވެ.

މި މައްސަލަ ތ. ހިރިލަންދޫ ފޮލިސް ސްޓޭޝަންއިން މިހާރު ދަނީ ތަހުގީގް ކުރަމުންނެވެ.