މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު ކަމަށް ކުރީގެ ފިނޭންސް މިނިސްޓަރު، އަލީ ހާޝިމްގެ ނަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ފޮނުއްވުމުން، އެކަން އިތުރަށް ދިރާސާ ކުރުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ފޮނުވައިފިއެވެ.
ކޮމިޓީއަށް މިއަދު އަލީ ހާޝިމްގެ ނަން ފޮނުވިއިރު، ގަވަރުނަރު ކަމަށް އަލީ ހާޝިމް އައްޔަން ކުރަން ރައީސް މަޖިލީހަށް ފޮނުއްވީ އިއްޔެ އެވެ.
އަލީ ހާޝިމް ގަވަރުނަރުކަމުގެ މަގާމަށް އައްޔަން ކުރެވޭނީ މަޖިލީހުން ރުހުން ދިނުމުންނެވެ.
ގަވަރުނަރުގެ މަގާމު މިހާރު ހުސްވެފައިވާއިރު، އެމަގާމު ހުސްވީ އެ މަގާމުގައި ކުރިން ހުންނެވި އަހުމަދު ނަސީރު އިސްތިއުފާ ދެއްވުމުންނެވެ.
އަލީ ހާޝިމަކީ ރައީސް މުހައްމަދު ނަޝީދުގެ ވެރިކަމުގައި ފިނޭންސް މިނިސްޓަރުކަން ކުރެއްވި ބޭފުޅެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް