މާލެއިން ރ.މާމުނަގައު ރިސޯޓްއަށް 11 މީހުންނާއެކު ދަތުރުކުރި 80 ފޫޓުގެ މުދާ އުފުލާ ދޯންޏެއްގެ އިންޖީނު ހުއްޓުމާ ގުޅިގެން އެމްއެންޑީއެފް މާލެ އޭރިއާ ކޯސްޓްގާރޑް ސްކުއަޑްރަންއިން އެހީތެރިކަން ފޯރުކޮއްދިނުމަށް ހަރަކާތެރިވާން ފަށައިފިއެވެ.
"އަމާޒު 2" ނަމަކަށް ކިޔާ މި ދޯނީގެ އިންޖީނު ހުއްޓިފައިވަނީ ކ. އަރިފުށިގެ ހުޅަނގުން 2 ނޯޓިކަލް މައިލްސް ބޭރުން ކަމަށް އެމްއެންޑީއެފްއިން ބުނެއެވެ.
މިހާދިސާގެ ރިޕޯޓް އެމްއެންޑީއެފް ކޯސްޓްގާޑްއަށް ލިބިފައިވަނީ މިއަދު ހެނދުނު 08:43 ގައި ކަމަށާއި މި ދޯނީގައި ތިބީ 10 ބިދޭސީންނާއި އެއް ދިވެއްސެއްކަމަށް މައުލޫމާތުލިބިފައިވެއެވެ.
އެމްއެންޑީއެފްއިން ބުނެފައިވަނީ މި ދޯނީގެ ވެރިފަރާތުން ދޯނި ކަފުޖެހުމަށް އެހެން ދޯންޏެއްގެ އެހީތެރިކަން ހޯދަމުންދާކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް