މި މަހުގެ ކުރީކޮޅު ރާޝިއާގެ ސިޓީއެއްކަމަށްވާ އެސްޓީ ޕީޓްސްބާރގްގެ މެޓްރޯ ރެއިލްވޭއެއްގައި ބޮން ގޮއްވާލި ހާދިސާގައި ޒިންމާވާ ފަރާތަކީ އަލްޤައިދާ ޖަމާޢަތް ކަމައް ބެލެވެން ފަށައިފިއެވެ.
ރިޕޯޓުތައް ބުނާގޮތުން އެ ޙަމަލާދީފައިވަނީ އަލްޤައިދާ ޖަމާޢަތުގެ ލީޑަރެއްގެ އެންގުމަށްކަމަށް ދޭހަވާ މެސެޖުތަކެއް އަލްޤައިދާއަށް ތާޢިދުކުރާ ފާރާތްތަކުން ޓެލެގްރާމް މެސެޖިންގް އެޕްގެ ގުރޫޕެއްގައި ދައްކާފައިވާކަމަށެވެ. ނަމަވެސް އެ ޙަމަލާގެ ޒިންމާ އަދި ވަކި ފަރާތަކުން ނަގާފައެއް ނުވެއެވެ.
ޖާނުން ފިދާވެގެންދިން އެ ޙަމަލާގައި 16 މީހަކުވަނީ މަރުވެފައެވެ.
އެ ޙަމަލާއަކީ ރަޝިއާއިން، ސީރިޔާ އަދި ލީބިއާފަދަ މުސްލިމު ޤައުމުތަކުގައި ހިނގަމުންދާ ހަމަނުޖެހުންތަކުގައި ބައިވެރިވެ ދެމުންދާ ޙަމަލާތަކަށް ބަދަލުހިފުމުގެ ގޮތުން ދިން ޙަމަލާއެއް ގޮތުގައި ބެލެވޭކަމަށް ރަޝިއާގެ ކަމާބެހޭ ފާރާތްތަކުން ކުރިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް