އެފްއެސްއެމް އިން އިންޑަސްޓްރިއަލް ވިލެޖްގައި ޕެޓްރޯލް ޝެޑެއް ހުޅުވައިފި

ފިއުލް ސަޕްލައިސް މޯލްޑިވްސް އިން މާލެ އިންޑަސްޓްރިއަލް ވިލެޖްގައި ޕެޓްރޯލް ޝެޑެއް ހުޅުވައިފިއެވެ.

މިއަދު "އެފްއެސްއެމް އިސީފިލް 4" ގެ ނަމުގައި ހުޅުވި ޕެޓްރޯލް ޝެޑަކީ ވަގުތީ ގޮތުން ހުޅުވާފައިވާ ޕެޓްރޯލް ޝެޑެއް ކަމަށް އެ ކުންފުނިން ބުނެއެވެ.

މިއަދުން ފެށިގެން މި ޝެޑުން ހިދުމަތް ލިބެން ހުންނާނެ ކަމަށާއި، ހުކުރު ދުވަސް ފިޔަވާ އެހެން ހުރިހާ ދުވަހެއްގައި ޝެޑު ހުޅުވާނީ ހެނދުނު 8 އިން ރޭގަނޑު 11 އަށް ކަމަށް އެފްއެސްއެމްއިން ކޮއްފައިވާ ޓްވީޓެއްގައި ބުނެފައިވެއެވެ. އަދި ހުކުރު ދުވަހު މި ޝެޑުން ހިދުމަތް ލިބޭނީ މެނދުރު ފަހު 2 އިން ރޭގަނޑު 11 އަށެވެ. މި ޝެޑު ކޮންމެ ނަމާދު ވަގުތަކަށް 20 މިނެޓަށް ބަނދުވާނެ ކަމަށް އެފްއެސްއެމް އިން ވަނީ ބުނެފައެވެ.