ށ. ފުނަދޫ އެއާޕޯޓް ރަންވޭގެ މަސައްކަތް ނިންމާލައިފި

ށ. ފުނަދޫގައި ކުރިއަށް ދިޔަ ޑޮމެސްޓިކް އެއާޕޯޓުގެ ރަންވޭގެ މަސައްކަތް ނިންމާލައިފި އެވެ.

އެމްޓީސީސީއިން އިން ބުނެފައިވަނީ އެއާޕޯޓު ރަންވޭގެ މަސައްކަތް ވަނީ މި މަހުގެ 13 ވަނަ ދުވަހު ނިމިފައިކަމަށެވެ.

މި ރަންވޭގެ މަސައްކަތް ކުރުމަށް ފުނަދޫގައި ކުރިއަށް ގެންދިޔަ އެއާޕޯޓު މަޝްރޫއުގެ ދަށުން އެއާޕޯޓް އެޅުމަށް ބިން ހިއްކާފައި ވަނީ ވެސް އެމްޓީސީސީ އިންނެވެ.

މި ރަންވޭއަކީ 1200 މީޓަރު ދިގު، 30 މީޓަރު ފުޅާ ރަންވޭއެކެވެ. ޓެކްސީވޭގައި 90 މީޓަރު ހުރެ އެވެ. އޭޕްރަންގެ ފުޅާމިނުގައި 50 މީޓަރު އަދި ދިގު މިނުގައި 150 މީޓަރު ހުރެ އެވެ.