ނައިބު ރައީސް ފައިޞަލް ނަސީމް، ބަންގްލަދޭޝްގެ ބޮޑުވަޒީރުގެ އަރިހަށް އިޙްތިރާމްގެ ޒިޔާރަތެއް ކުރައްވައިފ

ރައީސުލްޖުމްހޫރިއްޔާގެ ނައިބު ފައިޞަލް ނަސީމް، ބަންގްލަދޭޝްގެ ބޮޑުވަޒީރުގެ ޝައިޚް ޙަސީނާގެ  އަރިހަށް އިޙްތިރާމްގެ ޒިޔާރަތެއް ކުރައްވައިފި އެވެ.

ނައިބު ރައީސް ފައިސަލް ނަސީމް އެގައުމަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ބޭއްވެވި މި ބައްދަލުކުރެއްވުން އޮތީ މިއަދު މެންދުރުފަހު ބޮޑުވަޒީރުގެ ގެކޮޅު، ގޮނޮބަބަންގަ އެވެ.

މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބާއި ބަންގްލަދޭޝްގެ ބޮޑުވަޒީރު ވަނީ ރާއްޖެއާއި ބަންގްލަދޭޝްއާ ދެޤައުމުގެ ދެމެދުގައި އޮތް ޒަމާންވީ ޚާރިޖީ ގުޅުން ފާހަގަކުރައްވައި، އެކަމަށްޓަކައި ވަރަށް ބޮޑަށް ޝުކުރު އަދާކުރައްވާފަ އެވެ.

ބަންގްލަދޭޝްގެ މިނިވަންކަމަށް 50 އަހަރު ފުރުމުގެ މުނާސަބަތުގައި، އަދި ބަންގްލަދޭޝްގެ ފައުންޑިންގ ލީޑަރ ޝައިޚް މުޖީބުއްރަޙްމާންގެ 100 ވަނަ އުފަންދުވަސް ފާހަގަކުރުމުގެ މުނާސަބަތުގައި، ބޮޑުވަޒީރަށް ތަހުނިޔާ އާއި ހެޔޮއެދުންތައްވެސް ރައީސުލްޖުމްހޫރިއްޔާގެ ނައިބު ވަނީ އަރިސްކުރައްވާފަ އެވެ.

މި ބައްދަލުކުރެއްވުމުގައި ދެ ބޭފުޅުން ވަނީ ދެޤައުމުގެ ދެމެދުގައި ވެވުނު އެއްބަސްވުންތަކާއި، ދެޤައުމުގެ ގުޅުން އިތުރަށް ބަދަހިކުރެއްވުމާއި، ދެޤައުމުގެ ދެމެދުގައި އޮތް ގާތް ރަޙްމަތްތެރިގުޅުން އިތުރަށް ބަދަހިކުރެއްވުމާ ބެހޭގޮތުން މަޝްވަރާކުރައްވާފ ައެވެ.

ބޮޑުވަޒީރާ ބައްދަލުކުރެއްވުމުގެ ކުރިން ނައިބު ރައީސް ފައިސަލް ނަސީމް ވަނީ ނެޝަނަލް އިންސްޓިޓިއުޓް އޮފް އެޑްވާންސްޑް ނާސިން އެޑިއުކޭޝަން އެންޑް ރިސާޗް (އެންއައިއައިއޭއީއާރް) އަށް ޒިޔާރަތްކުރައްވައި އެ އިންސްޓިޓިއުޓްގެ މަސައްކަތް ކުރިއަށްދާ ގޮތް ބައްލަވާލައްވާފަ އެވެ.

މި ޙަފްލާގައި ބަންގްލަދޭޝްގެ ވަފްދުގެ ބޭފުޅުންނާ މުޚާޠަބު ކުރައްވައި ރައީސުލްޖުމްހޫރިއްޔާގެ ނައިބު ދެއްކެވި ވާހަކަފުޅުގައި، ދިވެހި ޤައުމަށް މި ދެންނެވި ހޫނު މަރުޙަބާއަށްޓަކައި ވަރަށް ބޮޑަށް ފަޚުރުވެރިވެވަޑައިގަންނަވާ ކަމުގައި ވިދާޅުވި އެވެ. އަދި، ރާއްޖެއާއި ބަންގްލަދޭޝްއާ ދެޤައުމުގެ ދެމެދުގައި ވަރަށް ގާތް ގުޅުމެއް އުފެދިފައިވާތާ އެތައް އަހަރެއް ވެފައިވާކަން ފާހަގަކުރައްވަމުން، ދެޤައުމުގެ ދެމެދުގައި ވާ އެއްގޮތް އުޞޫލުތަކާއި، ވިސްނުމާއި، މަޞްލަޙަތު އެއްގޮތް ކަން ފާހަގަކުރެއްވި އެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ޒުވާނުންގެ ތަރައްޤީއާއި، ދުޅަހެޔޮކަމާއި ޞިއްޙީ ޚިދުމަތް ލާމަރުކަޒީ އުޞޫލުން ތަރައްޤީކުރުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދެއްވާ އަހަންމިއްޔަތުގެ މައްޗަށް އަލިއަޅުއްވާލައްވާ ވާހަކަފުޅު ދައްކަވާފަ އެވެ.

ރައީސުލްޖުމްހޫރިއްޔާގެ ނައިބު، ބަންގްލަދޭޝްގެ މިނިސްޓަރ އޮފް ހެލްތް އެންޑް ފެމިލީ ވެލްފެއަރ ޒާހިދު މަލީކްއާވެސް ވަނީ ބައްދަލުކުރައްވާފަ އެވެ.

މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބާއި މިނިސްޓަރ ދެއްކެވި ވާހަކަފުޅުގައި، ޞިއްޙީ ދާއިރާއިން މީހުން ތަމްރީނުކުރުމުގެ އިތުރުން މަތީ ތަޢުލީމުގެ ފުރުޞަތުތައް ފަހިކޮށްދެއްވުމަށް އެދިވަޑައިގެންނެވި އެވެ. އަދި ދެޤައުމުގެ ޞިއްޙީ ދާއިރާ ކުރިއެރުވުމަށް ޓަކައި ދެޤައުމުގެ ދެމެދުގައި ގުޅުން ބަދަހިކުރެއްވުމާ ބެހޭގޮތުންނާއި، ބަންގްލަދޭޝްގެ ޚާއްޞަ ޑޮކްޓަރުންނާއި ޞިއްޙީ މާހިރުންގެ ޓީމަކުން ރާއްޖެއަށް ޒިޔާރަތްކުރެއްވުމާ ބެހޭގޮތުން ވެސް ދެބޭފުޅުން މަޝްވަރާ ކުރެއްވިއެވެ.

މި ބައްދަލުކުރެއްވުމުގައި، ދިވެހި ޞިއްޙީ ޚިދުމަތްތެރިން ބަންގްލަދޭޝްއަށް ގެނައުމާ ބެހޭގޮތުން ދެބޭފުޅުން މަޝްވަރާ ކުރެއްވި އެވެ.

ރައީސުލްޖުމްހޫރިއްޔާގެ ނައިބުގެ މި ދަތުރުފުޅުގައި އެމަނިކުފާނުގެ އަރިހުގައި، ބަންގްލަދޭޝްއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި، އެ ގައުމުގެ ކެބިނެޓްގެ ބައެއް ވަޒީރުންނާއި، ރައީސުލްޖުމްހޫރިއްޔާގެ އޮފީހާއި ސަރުކާރުގެ މަތީ ފަންތީގެ ބޭފުޅުން ބައިވެރިވެވަޑައިގަންނަވަ އެވެ.