ރައީސް ޔާމީންގެ ރަނިންމޭޓް ޑރ.މުހައްމަދު ޝަހީމް އަލީ ސަޢީދަށް ލ އަތޮޅަށް ހޫނު މަރުހަބާއެއް ދަންނަވައިފިއެވެ.
ޑރ. ޝަހީމަށް ލ އަތޮޅުން ހޫނު މަރުހަބާއެއް ދަންނަވާފައިވަނީ ކެމްޕޭން ދަތުރުފުޅެއްގައި ލ އަތޮޅަށް މިއަދު ވަޑައިގެންނެވުމުން އިސްކަންދަރު ވައިގެ މަރުކަޒުންނެވެ.
ލ ގަން އަދި ފޮނަދޫން 1500 އާއި ގާތްކުރާ އަދަދަކަށް މީހުން ޑރ. ޝަހީމަށް މަރުހަބާ ދެންނެވުމަށް އިސްކަންދަރު ވައިގެ މަރުކަޒަށް ގޮސްފައިވެއެވެ. ޑރ. ޝަހީމް ލ އަތޮޅަށް ވަޑައިގެންނެވީ މިއަދު ހަވީރުގެ ވަގުތެއްގައެވެ.
ކެމްޕޭން ދަތުރުފުޅެއްގައި ޑރ. ޝަހީމް ލ އަތޮޅަށް ވަޑައިގެންފައިވާއިރު ޑރ. ޝަހީމްގެ މި ދަތުރުފުޅުގައި މިއަތޮޅުގެ ރަށްތަކަށް ޒިޔާރަތްކުރައްވާ ރައްޔިތުންގެ ހާލު ބައްލަވައި ޑޯޓުޑޯ ހަރަކާތްތައް ކުރިއަށްގެންދިއުމަށް ހަމަޖެހިފައިވާކަމުގައި ޑރ. ޝަހީމްގެ ކެމްޕޭނު ޓީމުން މައުލޫމާތުދެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް