ހުޅުމާލޭ މެޑިކަލް ފެސިލިޓީ އައިޖީއެމް ހޮސްޕިޓަލާ ހަވާލުކޮށްފި

ކޯވިޑް-19 އާއި ގުޅިގެން ހުޅުމާލޭގައި ގާއިމްކުރި މެޑިކަލް ފެސިލިޓީ ނިންމައި، އައިޖީއެމް ހޮސްޕިޓަލާ ހަވާލުކޮށްފިއެވެ.

ހަވާލު ކުރުމުގެ ރަސްމިއްޔާތު މިއަދު ހަވީރު ވަނީ ބާއްވާފައެވެ.

އައިޖީއެމް ހޮސްޕިޓަލުން ބުނެފައިވަނީ އެ ފެސިލިޓީ މިއަދު އެ ހޮސްޕިޓަލާ ހަވާލުކޮށްފައިވާކަމަށެވެ.

މި ފެސިލިޓީއަކީ ކޯވިޑް-19 އަށް ޕޮޒިޓިވްވާ މީހުންނަށް ފަރުވާ ދޭން ގާއިމްކުރި ފެސިލިޓިއެކެވެ. މިފެސިލިޓީ ގާއިމް ކުރުމުގައި މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން އިސް ދައުރެއް އަދާކޮށްފައިވެއެވެ.

https://twitter.com/igmhmv/status/1264553700502245378

މި ފެސިލިޓީ ނިމުން ލަސްވެގެންދިޔަ އެއް ސަބަބަކީ އެ ފެސިލިޓީ ތައްޔާރު ކުރުމުގައި މަސައްކަތްކުރި ގިނަ ބަޔަކު ކޯވިޑް-19 އަށް ޕޮޒިޓިވް ވެގެން ދިއުމެވެ. ނަމަވެސް މެދުކެނޑުމެއްނެތި 24 ގަޑިއިރު މަސައްކަތްކޮށް މިހާރު މިވަނީ މި ފެސިލިޓީ ހަދާ ނިންމާ އައިޖީއެމް ހޮސްޕިޓަލާ ހަވާލުކޮށްފައެވެ. މި ފެސިލިޓީއަކީ 290 އެނދުގެ ފެސިލިޓީއެކެވެ.