ލ އަތޮޅުން ފެށިގެން ގދ އާއި ހަމައަށް މޫސުން ގޯސް

ލ އަތޮޅުން ފެށިގެން ގދ އަތޮޅާއި ދެމެދުގެ ރަށްތަކަށް މޫސުން ގޯސްވެދާނެކަމަށް ލަފާކޮށް މޫސުމާއިބެހޭ ގައުމީ އިދާރާއިން ވައިޓް އެލާޓް ނެރެފި އެވެ.

ދަންވަރު 3:55ގައި ނެރެފައިވާ އެ އެލާޓްގައި ބުނެފައިވަނީ މިއަދު ދަންވަރު 4:15 އިން ފެށިގެން ހެނދުނު 10:00 އާއި ދެމެދުގެ ވަގުތުތަކުގައި ލ އަތޮޅާއި ގދ އަތޮޅާއި ދެމެދުގެ ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށެވެ.

ހަމަ މި ވަގުތުތަކުގައި އެ ސަރަހައްދުތަކުގައި ވިލާގަނޑުގައި ގަޑިއަކު 45 މޭލަށް ވައިގަދަވުން އެކަށީގެންވާކަމުގައިވެސް މެޓް އޮފީހުން ބުނެފައި ވެ އެވެ.