ލަންކާގައި މިރޭވެސް ކާފިއު ހިންގާނެކަން ހާމަކޮށްފި

ސްރީލަންކާއަށް އިއްޔަ ދިން ބޮމުގެ ހަމަލާއާއި ގުޅިގެން މިރޭ 8:00 އިން ފެށިގެން ފަތިހު 4:00 އާއި ހިސާބަށް ކާފިއު ހިންގާނެ ކަމަށް ހާމާކޮށްފިއެވެ.

މިރެއަށް އިއުލާންކުރި ކާފިއު އަކީ ސަލާމަތީ ފިޔަވަޅުތައް އެޅުމުގެ ގޮތުން އިއުލާން ކުރި ކާފިއު އެއް ކަމަށް ލަންކާގެ ރިޕޯޓުތައް ބުނެއެވެ.

ލަންކާގައި އިއްޔަވެސް ވަނީ ކާފިއު އިއުލާންކޮށްފައެވެ. އެމްރިކާގެ ސްޓޭޓް ޑިޕާޓްމެންޓުން، އަދިވެސް ބޮން ގޮއްވަފާނެކަމުގެ އިންޒާރު ވަނީ ދީފައެވެ.

އިއްޔެގެ ހަމަލާއާއި ގުޅިގެން މިހާތަނަށް 290 މީހުން މަރުވެގެން ރިޕޯޓުކޮށްފައިވެއެވެ.