ދިވެހިރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްގެ އަސްލު ފޭސްބުކް އެކައުންޓަކީ ކޮބައިކަން ރައީސްގެ ތަރުޖަމާނު އިބްރާހިމް ހޫދު ބުނެދެއްވައިފިއެވެ.
ތަރުޖަމާނު މިއަދު ކުރެއްވި ޓްވީޓެއްގައި ވިދާޅުވެފައިވަނީ ރައީސް ސޯލިހްގެ އަސްލު އެކައުންޓަކީ https://www.facebook.com/ibrahim.m.solih މި އެކައުންޓުކަމުގައި ބުނެދިނުމަށް ރައީސް ވިދާޅުވެފައިވާކަމަށެވެ. އަދި ރައީސްގެ ނަމުގައި ދެން ހުރި ފޭސްބުކް އެކައުންޓްތަކާއި އެ އެކައުންޓްތަކުގައިވާ ކޮންޓެންޓަކީ ރައީސާއި އެއްވެސް ގުޅުމެއް ހުރި އެއްޗެއް ނޫންކަމުގައި ތަރުޖަމާނު ވިދާޅުވެފައިވެއެވެ.
ތަރުޖަމާނު މިކަން ބުނެދެއްވާފައިވާއިރު ރައީސް ސޯލިހްގެ ނަމުގައި ހަދާފައިވާ ފޭސްބުކް އެކައުންޓެއްގެ މައްސަލަ މި ފަހުން ބޮޑުވެގެން ގޮސްފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް