މަހަށް ގޮސް އުޅެނިކޮށް މެޔަށް ތަދެއް އެރި މީހަކު މަރުވެއްޖެ

މަހަށް ގޮސް އުޅެނިކޮށް މެޔަށް ތަދެއް އަރައިގެން، ހުޅުމާލެ ހޮސްޕިޓަލުގައި ފަރުވާ ދެމުން ދަނިކޮށް މީހަކު މަރުވެއްޖެއެވެ.

ހުޅުމާލެ ހޮސްޕިޓަލުން ބުނީ، މެޔަށް ތަދެއް އަރައިގެން ރޭ 10:55 ހާއިރު އެ ހޮސްޕިޓަލަށް 49 އަހަރުގެ ފިރިހެނަކު ގެންދިޔަ ކަމަށެވެ. އެމީހާޔަށް ނޭވާ ނުލެވި، މެޔަށް ތަދެއް އަރައިގެން ފަރުވާ ދެމުން ދަނިކޮށް މަރުވީ ރޭ 11:55 ހާއިރު ހާޓްއެޓޭކެއް ޖެހިގެން ކަމަށް ހުޅުމާލެ ހޮސްޕިޓަލުން މައުލޫމާތު ދެއެވެ.

ރޭ ހާޓްއެޓޭކެއް ޖެހިގެން މަރުވެފައި ވަނީ ލ.މާމެންދޫ ރެޑްރޯސް، ޔޫސުފް ހުސައިން ނަކަމަށް ކިއުނު މީހެކެވެ.

އޭނާގެ ޖަނާޒާ އޮތީ މިއަދު މެންދުރު ނަމާދަށް ފަހު މާލެ އާސަހަރާގައެވެ.