ވޯޓުން ބަލިވީމަ ޖެހޭނީ ފައިބަން، ވެރިކަމުގަ ބަގުޑި ބައްދައިގެން ނުހުރެވޭނެ: އެމްޕީ އަމީތު

ވޯޓުން ބަލިވެއްޖެނަމަ ޖެހޭނީ ފައިބަން ކަމަށާއި ވެރިކަމުގަ ބައްދައިގެން ނުހުރެވޭނެކަމުގައި މަޑުއްވަރީ ދާއިރާގެ މެމްބަރު މުހައްމަދު އަމީތު ވިދާޅުވެއްޖެއެވެ.

އެމްޕީ އަމީތު މިހެން ވިދާޅުވެފައިވަނީ އިއްޔެ ކުރެއްވި ޓްވީޓެއްގައެވެ.

އަމީތު ވިދާޅުވެފައިވަނީ 23 ސެޕްޓެމްބަރު 2018ގައި ކެނޑިޑޭޓް ނަމްބަރު 2 ގައި ހެޔޮ ފާހަގަޖެއްސެވީމާ އަނިޔާވެރިކަމާއި ކޮރަޕްޝަނާއި ފަސާދައިން ގައުމު ސަލާމަތްކުރެވޭނެކަމަށެވެ.

ރިޔާސީ އިންތިހާބައި ވާދަކުރާ ކެނޑިޑޭޓުންގެ ނަންތައް އިލެކްޝަންސް ކޮމިޝަނުން އިއްޔެ ތަރުތީބުކޮށްފައިވާއިރު ރައީސް ޔާމީނަށް ލިބިލެއްވީ ކެނޑިޑޭޓް ނަމްބަރު 1 އެވެ. އިދިކޮޅު ކެނޑިޑޭޓް އިބޫއަށް ލިބިލެއްވީ ކެނޑިޑޭޓް ނަމްބަރު 2 އެވެ.