ކޯވިޑް-19އަށް ޕޮޒިޓިވްވި މީހަކާ ކޮންޓެކްޓް ވެގެން މަޖިލީހުގެ އަމީން ޢާންމާއި 2 މެންބަރަކު އައިސޮލޭޝަންގައި ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައްޔިތުން މަޖިލީހުގެ މިއަދުގެ ޖަލްސާ ފައްޓަވަމުން މަޖިލީހުގެ ރައީސް ނަޝީދު ވިދާޅުވީ، މަޖިލީހުގެ 2 މެންބަރަކު އައިސޮލޭޝަން ގައި ވާ ކަމަށާއި، މަޖިލީހުގެ އަމީން ޢާންމުވެސް އައިސޮލޭޝަންގައި ވާ ކަމަށެވެ.
އައިސޮލޭޝަންގައި ތިއްބެވީ މާފަންނު އުތުރު ދާއިރާ މެންބަރު އިމްތިޔާޒު ފަހުމީ، ފޭދޫ ދާއިރާ މެންބަރު މުޙައްމަދު ނިހާދު އަދި ރައްޔިތުންގެ މަޖިލީހުގެ އަމީން ޢާންމު އަލްއުސްތާޛާ ފާތިމަތު ނިޔުޝާ އެވެ.
މަޖިލީހުގެ މިޑިއާ އޮފިޝަލް ވިދާޅުވީ، އެ ތިން ބޭފުޅުން އަސޮލޭޓްކޮށްފައި ވަނީ ޕޮޒިޓިވްވި މީހަކާ ބައްދަލުވެގެން ކަމަށެވެ.
މީގެ ކުރިންވެސް މަޖިލީހުގެ ބައެއް މުވައްޒަފުން ވަނީ ކޮވިޑަށް ޕޮޒިޓިވްވެފަ އެވެ. އަދި ބައެއް މުވައްޒަފުންނާއި މެމްބަރުން ވަނީ މީގެ ކުރިން ކަރަންޓީންވެސް ކޮށްފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް