މ. އަތޮޅުން އައްޑޫ އަތޮޅަށް ވައިޓް އެލާޓް ނެރެފި

ގުގުރުމާއިއެކު ބޯކޮށް ވާރޭ ވެހޭނެ ކަމަށް ލަފާކޮށް، މ. އަތޮޅުން ފެށިގެން އައްޑޫ އަތޮޅަށް ވައިޓް އެލާޓް ނެރެފިއެވެ.

މެޓް އޮފީހުން މި ސަރަހައްދަށް ވައިޓް އެލާޓް ނެރެފައި ވަނީ މިއަދު 11:00 އިން ފެށިގެން ހަވީރު 17:00 އަށެވެ.

މެޓް އޮފީހުން އިތުރަށް ބުނެފައި ވަނީ، ރާއްޖޭގެ އެކި ހިސާބުތަކަށް މޫސުން ގޯސްވެ، ވިއްސާރަ ކުރާނެ ކަމުގައެވެ. އަދި ދެކުނާއި މެދު ރާއްޖެތެރޭގެ ރަށްތަކަށް ގުގުރުމާއި އެކު ބޯކޮށް ވާރެވެހުން އެކަށީގެންވާ ކަމުގައެވެ. އަދި ބައެއް ރަށްރަށަށް އުދައިގެ އަސަރު ކުރުން ވެސް އެކަށީގެންވާ ކަމުގައި މެޓް އޮފީހުން ބުނެފައި ވެއެވެ.