ފަސް އަހަރުގެ ކުއްޖަކަށް ޖިންސީ ގޯނާ ކޮށްފި

ދެކުނުގެ ރަށެއްގައި ފަސް އަހަރުގެ ކުއްޖަކަށް ޖިންސީ ގޯނާ ކޮށްގެން ފުލުހުން އެމައްސަލަ ބަލަން ފަށައިފިއެވެ.

އެ މައްސަލައާއި ގުޅޭ ގޮތުން މީޑިއާތަކަށް މައުލޫމާތު ދެމުން ފުލުހުން ބުނީ، ދެކުނުގެ ރަށެއްގައި 5 އަހަރުގެ ކުޑަކުއްޖަކަށް ޖިންސީ ގޯނާ ކޮށްގެން އެކަން ރޭ ފުލުހަށް ރިޕޯޓް ކޮށްފައިވާ ކަމަށެވެ.

އެ 5 އަހަރުގެ ކުއްޖާއަށް ޖިންސީ ގޯނާ ކުރީ 56 އަހަރުގެ ދިވެހި ފިރެހެނެއް ކަމަށްވެސް ފުލުހުން ބުންޏެވެ.

ފުލުހުން ގެންދަނީ މިހާރު އެ ހާދިސާ އިތުރަށް ތަހްގީގު ކުރަމުންނެވެ.

5 އަހަރުގެ ކުއްޖަކަށް ޖިންސީ ގޯނާކޮށްފައިވާ މައްސަލައެއް ރޭ ރިޕޯޓް ކޮށްފައިވާއިރު، މީގެ ދެދުވަސް ކުރިން ވަނީ 2 އަހަރުގެ ކުޑަ އަންހެން ކުއްޖަކަށް ތިން ފިރެހެނުން ޖިންސީ ގޯނާ ކުރި މައްސަލައެއްވެސް ފެންމަތިވެފައެވެ.