ހއ. ހޯރަފުށީގެ ރަށް ގިރުމުގެ މައްސަލަ ހައްލުކުރުމަށް އެރަށުގައި ކުރިޔަށް ގެންދިޔަ ގޮނޑު ދޮށް ހިމާޔަތް ކުރުމުގެ މަޝްރޫޢު ގެ ނިމުން ފާހަގަކޮށްފިއެވެ. ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ހއ ހޯރަފުއްޓަށް ވަޑައިގެން އެރަށުގެ ގޮނޑުދޮށް ހިމާޔަތްކުރުމުގެ
މަޝްރޫޢުގެ ނިންމުން ފާހަގަކުރުމުގެ ގޮތުން އެކަމަށް ޚާއްޞަ ކުރެވިފައިވާ ހަނދާނީ ބިނާގެ ރިބަން ވަނީ ކަނޑުއްވާލަ ދެއްވާފަ އެވެ.
ހއ. ހޯރަފުށީގައި ކުރިޔަށް ގެންގޮސްފައިވާ ގޮނޑު ދޮށް ހިމާޔަތް ކުރުމުގެ މަޝްރޫޢަކީ ދައުލަތުގެ ބަޖެޓުން 21 މިލިޔަން ރުފިޔާ ޚަރަދުކޮށްގެން ކުރިޔަށް ގެންގޮސްފައިވާ މަޝްރޫޢެކެވެ.
ރައީސުލްޖުމްހޫރިއްޔާ އުތުރަށް ކުރައްވާ މި ދަތުރުފުޅުގައި މިއަދު ހެނދުނު ހދ. ނޮޅިވަރަމަށް ވަޑައިގެން އެރަށުގައި ޤާއިމުކޮށްފައިވާ ނަރުދަމާ ނިޒާމުގެ ޚިދުމަތް ރަސްމީކޮށް ވަނީ ފައްޓަވައިދެއްވާފައިވެއެވެ. އަދި މި ދަތުރުފުޅުގައި ހއ. އިހަވަންދޫއަށް ވަޑައިގެން އެރަށުގައި ޤާއިމުކޮށްފައިވާ ނަރުދަމާ ނިޒާމުގެ ޚިދުމަތް ރަސްމީކޮށް ފައްޓަވައިދެއްވުމަށް ވަނީ ހަމަޖެހިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް