ރޯދަ މަހު މާލޭގައި ކުނި ނަގާނީ ރޭގަނޑު އެކަނި!

ރޯދަ މަހު މާލޭ ގޭގެއިން ކުނި ނަގާނީ  ރޭގަނޑު އެކަނި ކަމަށް ވޭސްޓް މެނޭޖްމެންޓު ކޯޕަޜޭޝަނުން ބުނެފި އެވެ.

ވެމްކޯއިން ބުނީ ރޯދަ މަހުގެ ފުރަތަމަ ދުވަހުން ފެށިގެން ގޭގެއިން ކުނި ނަގާނީ ރޭގަނޑު 8:00 ން ދަންވަރު 12:00 އަށް ކަމަށެވެ. އެކަމަކު ވިޔަފާރިތަކުން ދުވާލުވެސް ކުނި ނަގާނެ އެވެ. އެގޮތުން ހެނދުނު 10 އިން ހަވީރު 15:30 އަށް އަދި ރޭގަނޑު 10:00 އިން ދަންވަރު 3:00 ވިޔަފާރިތަކުން ކުނި ނަގާނެ އެވެ.

ކުނި އުކާ ސަރަހައްދު ރޯދަ މަހު ހުޅުވާފައި ހުންނާނީ ހުކުރު ދުވަހެއް ފިޔަވައި އެހެން ދުވަސްތަކުގައި ހެނދުނު 10:00 ން ހަވީރު 5:00 އަށެވެ. އަދި ރޭގަނޑު 7:00 ދަންވަރު 3:00 އަށެވެ.

ހުކުރު ދުވަސްތަކުގައި ކުނި އުކާ ސަރަހައްދު ހުޅުވާނީ ހެނދުނު 10:00 އިން 11:30 އަށެވެ. އަދި މެންދުރު ފަހު 2:00 އިން ހަވީރު 5:00  އަށް، އަދި ރޭގަނޑު 7:00 އިން ދަންވަރު 3:00 އަށެވެ.

މީގެ އިތުރުން ވެސް ވެމްކޯގެ ކޯލް ސެންޓަރަށް ގުޅޭ ގަޑިތަކަށް ވެސް ވަނީ ބަދަލު ގެނެސްފަ އެވެ. އެގޮތުން ރޯދަމަހު ވެމްކޯގެ ކޯލް ސެންޓަރު ހުޅުވާފައި ހުންނާނީ ހެނދުނު 10:00 އިން މެންދުރު ފަހު 3 އަށެވެ. އަދި ރޭގަނޑު 20:30 އިން ދަންވަރު 12:30 އަށެވެ.