ވަގަށް ނަގާފައިވާ މޯޓަރެއްގެ ވެރިފަރާތް ހޯދަނީ

ވަގަށް ނަގާފައިވާ ކަމަށް ބެލެވޭ މޯޓަރެއްގެ ވެރިފަރާތް ހޯދުމަށް ފުލުހުން އިއުލާނު ކޮށްފިއެވެ.

ފުލުހުން ވިދާޅުވީ، ވަގަށް ނަގާފައިވާކަމަށް ބެލެވޭ މޯޓަރެއް އިއްޔެ ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ. މި މޯޓަރުގެ ވެރިފަރާތުން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމެންޓްގެ ނަންބަރު، 9631696 އަށް ގުޅުއްވުމަށްވެސް ފުލުހުން ވަނީ އެދިފައެވެ.

މި މޯޓަރަކީ ކޮންތާކުން ފެނުނު މޯޓަރެއް ކަމެއް ފުލުހުން ހާމަކޮށްފައެއް ނުވެއެވެ.

https://twitter.com/PoliceMv/status/1172000095874666496

ތަންތަނާއި މީހުން ބަލައި ފާސްކުރުމުގެ ތެރޭގައި ފުލުހުންނަށް ފެންނަ މިފަދަ ތަކެތީގެ ވެރިފަރާތް ހޯދުމަށް ފުލުހުން ކުރާ މަސައްކަތް ފާހަގަކޮށްލެވެއެވެ.