ރާއްޖެއިން ކޯވިޑް-19 އަށް އިތުރު 25 މީހަކު ޕޮޒިޓިވްވެ، މިހާތަނަށް ޕޮޒިޓިވް ވި އަދަދު 790 އަށް އަރައިފިއެވެ.
އެޗްޕީއޭއިން މިރޭ ބުނެފައިވަނީ މިރޭގެ 02:00 އާއި ހަމައަށް އިތުރު 25 މީހަކު ކޯވިޑް-19 އަށް ޕޮޒިޓިވް ވެފައިވާކަމަށެވެ. އޭގެތެރޭގައި ހިމެނެނީ ބަންގްލަދޭޝަށް ނިސްބަތްވާ 20 މީހަކާއި ފަސް ދިވެއްސަކު ކަމަށް އެޗްޕީއޭއިން ބުނެފައިވެއެވެ.
މި 25 ކޭހުގެ އިތުރުން މިއަދު މެންދުރުފަހު އެޗްޕީއޭއިން ވަނީ 22 ކޭހެއްގެ މައުލޫމާތު ހިއްސާކޮށްފައެވެ. އެގޮތުން މިއަދު މެންދުރު 02:00 އާއިހަމައަށް 22 މީހަކު ޕޮޒިޓިވްވެފައިވާކަމަށް އޭރު ބުނެފައިވެއެވެ.
އެއާއެކު މިއަދު ޕޮޒިޓިވްވި އަދަދު މިވަނީ 47 އަށް އަރާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް