ބައެއް ދާއިރާތަކުގެ ވޯޓު ފޮށިތައް އަލުން ގުނަނީ

ލިބިފައިވާ ޝަކުވާތަކާއި ގުޅިގެން ބައެއް ދާއިރާތަކުގެ ވޯޓު ފޮށިތައް އަލުން ގުނަން ނިންމާފައިވާކަމަށް އިލެކްޝަން ކޮމިޝަނުން ނިންމައިފިއެވެ.

އެ ކޮމިޝަނުން ކޮށްފައިވާ ޓްވީޓެއްގައި ބުނެފައިވަނީ، އަލުން ގުނަން ނިންމާފައިވަނީ މާމިގިލި ދާއިރާގެ އެއް ފޮއްޓާއި، މަޑުއްވަރީ ދާއިރާގެ 4 ފޮއްޓެއް ކަމަށެވެ. މީގެ އިތުރުން މާވަށު ދާއިރާއަށް ނިސްބަތްވާ ވޯޓު ފޮށީގެ ސެކިއުރިޓީ އުރަ 3 ކަނޑައި ވޯތް ކަރުދާސްތައް އަލުން ގުނަން ނިންމާފައި ވާކަމަށްވެސް އެ ކޮމިޝަނުން ވަނީ ބުނެފައެވެ.

https://twitter.com/ElectionsMv/status/1115872744170827776

މަޖިލިސް އިންތިހާބު ކުރިއަށް ދިޔައީ މިދިޔަ ހޮނިހިރު ދުވަހުއެވެ. އިންތިހާބުގެ ނަތީޖާ ދައްކާގޮތުން އެމްޑީޕީން ވަނީ ސުޕަ މެޖޯރިޓީ އެއް ނަގާފައެވެ.