ދެކުނުގެ އަތޮޅުތަކަށް މޫސުން ގޯސް

ދެކުނުގެ ހަ އަތޮޅަށް މޫސުން ގޯސްވާނެ ކަމަށް ލަފާކޮށް މޫސުމާއި ބެހޭ ގައުމީ އިދާރާއިން ހުދު އެލަރޓް ނެރެފިއެވެ.

މޯލްޑިވްސް މީޓިއޮރޮލޮޖިކަލް ސާވިސް(މެޓް އޮފީހުން) ނެރެފައިވާ ހުދު އެލަރޓް ނެރެފައިވަނީ ދެކުނުގެ ހަ އަތޮޅު ކަމުގައިވާ ތ، ލ، ގއ، ގދ، ޏ އަދި ސ އަތޮޅަށެވެ.

މެޓް އޮފީހުގެ ހުދު އެލަރޓްގައި ބުނެފައިވާގޮތުގައި މިއަދު މެންދަމު 04:00 އިން ފެށިގެން ހެނދުނު 08:00 އާއި ހަމައަށް އެ ސަރަހައްދަށް ބޯކޮށް ވާރޭ ވެހުމާއެކު ގުގުރުން އަދި ވިލާގަނޑުގައި ގާތްގަނޑަކަށް 35 މޭލު ބާރުމިނަށް ވައިގަދަވުން އެކަށީގެންވެއެވެ.