މިދިޔަ އަހަރުގެ ފަހު ކުއާޓަރުގައި އެމްޓީސީސީން 26 ޕްރޮޖެކްޓެއްގެ މަސައްކަތް ކުރިއަށްގެންގޮސްފައިވާ ކަމަށް އެކުންފުނިން ހާމަކޮށްފިއެވެ.
އެމްޓީސީސީން އާއްމުކޮށްފައިވާ މިދިޔައަހަރުގެ ފަހު ކުއަރޓަރގެ މާލީހިސާބުތައް ދައްކައިދޭ ރިޕޯޓުގައި ބުނެފައިވަނީ ހުސްވި އަހަރުގެ ފަހު ކުއަރޓަރގައި ކުރިއަށްގެންދިޔަ 26 ޕަރޮޖެކްޓުގެ ތެރެއިން ހަތަރު ޕްރޮޖެކްޓެއްގެ މަސައްކަތް ކާމިޔާބުކަމާއި އެކު ވަނީ ނިންމާލާފައެވެ. އޭގެ ތެރޭގައި ހިމެނެނީ، ށ. ކޮމަންޑޫ ބިން ހިއްކުމުގެ މަސައްކަތާއި، ނ. ފޮއްދޫ ޖެޓީގެ މަސައްކަތާއި، ގއ. ދާންދޫ ފުޓް ބޯޅަ ސްޓޭޑިއަމަށް ބިން ހިއްކުމުގެ މަސައްކަތުގެ އިތުރުން ހދ. ކުޅުދުއްފުށީ އެއަރޕޯޓްގެ ރަންވޭ، ޓެކްސީ ވޭ، އަދި އޭޕްރޭން ހެދުމުގެ މަސައްކަތެވެ.
މިދިޔަ އަހަރުގެ ހަތަރުވަނަ ކުއާޓަރުގައި ހދ. ކުޅުދުއްފުށީ ބަދަރު ބޮޑުކުރުމުގެ މަސައްކަތް އެމްޓީސީސީއާއި ހަވާލު ކުރެވިގެން ދިޔައެވެ. އަދި އެ ކުއަރޓަރުގައި ދެ ޕްރޮޖެކްޓެއްގެ މަސަކަތްކަތް އަލަށް ފަށާފައިވާކަމަށް އެމްޓީސީސީން ހާމަކުރެއެވެ.
މިދިޔަ އަހަރުގެ ފަހު ކުއާޓަރުގެތެރޭގައި ކުރިއަށްގެންދިޔަ މަޝްރޫއުތަކުގެ ތެރޭގައި ކ. ތިލަފުށީ، ގދ. ފަރެސް މާތޮޑާ އަދި ހއ. މާފިނޮޅުގެ ބިންހިއްކުމާއި، ގޮނޑުދޮށް ހިމާޔަތްކުރުމުގެ މަސައްކަތް ހިމެނެއެވެ.
އަދި އެ ކުއަރޓަރގައި ކ. ހުރާ ބިންހިއްކުމާއި، ގޮނޑުދޮށް ހިމާޔަތްކުރުމުގެ މަސައްކަތް ފަށާ އެ މަޝްރޫއުގައި ހިމެނޭ ބިން ހިއްކުމުގެ މަސައްކަތް އެ އެކުއާޓަރުގެ ތެރޭގައި ނިންމާލެވިފައިވާ ކަމަށް އެމްއެމްޓީސީސީން މައުލޫމާތުދެއެވެ.
ރާއްޖޭގެ އެކި ކަންކޮޅުތަކުގައި ސަރުކާރުން ކުރިއަށްގެންދާ މަޝްރޫޢުތަކުގެ ތެރެއިން އެންމެ ގިނަ މަޝްރޫޢުތައް ކޮންޓްރެކްޓް އުޞޫލުން ޙަވާލުކުރަނީ އެމްޓީސީސީއާއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް