އިރާން ސިފައިން --
އީރާނުގެ އަމާޒުތަކަށް އެމެރިކާ ސިފައިން އާ ހަމަލާތަކެއް ދޭން ފެށުމާ ގުޅިގެން އެ ހަމަލާތަކާ މެދު އެމެރިކާ ހިތާމަކުރާނެ ކަމުގެ އިންޒާރު އީރާނުގެ ރެވޮލިއުޝަނަރީ ގާޑުން ދީފިއެވެ.
އީރާނުގެ ދައުލަތުގެ ޚަބަރު ފަތުރާ އިދާރާ އީރުނާ (އައިއާރުއެންއޭ) އަށް ރެވޮލިއުޝަނަރީ ގާޑުގެ ތަރުޖަމާނު ސަރުދާރު މުޙިއްބީ ބުނީ ހަމަލާ ދިން ފަރާތްތަކަށް ހަރުކަށި އަދަބެއް ލިބޭނެ ކަމަށެވެ. އެ އަދަބަށް ތައްޔާރުވެ ތިބުމަށް އޭނާ ގޮވާލާފައިވެ އެވެ.
މުޙިއްބީގެ މި ބަސް އައީ އީރާނުގެ ރެވޮލިއުޝަނަރީ ގާޑުގެ އަމާޒުތަކަށް ހަމަލާ ދޭން ފެށިކަން އެމެރިކާގެ ސެންޓްރަލް ކޮމާންޑުން އިޢުލާނުކުރިތާ ކުޑައިރުކޮޅެއް ފަހުންނެވެ.
ތެހެރާނާއި ވޮޝިންޓަނާ ދެމެދު ނުތަނަވަސްކަން ބޮޑުވެފައި އޮތީ ފެބްރުއަރީ ފަހުކޮޅު އީރާނަށް ހަމަލާތައް ދީ ހަނގުރާމަ ފެށި ހިސާބުންނެވެ.
ޕާކިސްތާނާއި ޤަޠަރުގެ މެދުވެރިކަމުގައި ޖޫންގައި އެއްބަސްވުމެއްގެ އޮނިގަނޑެއްގައި ސޮއިކުރެވުނު ނަމަވެސް ކަނޑުއޮޅީގައި ދަތުރުފަތުރު ކުރުމާ ގުޅޭ ޚިޔާލު ތަފާތުވުންތައް އުފެދުމާ ގުޅިގެން ޖުލައިގައި އެމެރިކާއިން ދެ ހަފުތާގެ ބޮން އެޅުމުގެ ކެމްޕެއިނެއް ފަށައި ކަނޑުގެ ޙިޞާރު އަލުން ހިންގަން ފެށީއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް