ސްރީލަންކާގެ ބޮޑުވަޒީރު، ރަނިލް ވިކްރަމަސިންހަ ރައްޔިތުންގެ މަޖިލީހުގައި މާދަމާ ތަޤްރީރު ކުރެއްވުން އޮންނާނެ ކަމަށް މަޖިލީސް އިދާރާއިން ހާމަކޮށްފިއެވެ.
ބޮޑުވަޒީރު ރަނިލް މާދަމާ މަޖިލީހުގައި ތަޤްރީރުކުރައްވާނީ މެންދުރު 12:00 ގައެވެ.
ހުރިހާ ޕާޓީއެއްގެ މެންބަރުން އެމަނިކުފާނު މަޖިލީހުގައި ތަޤްރީރު ކުރެއްވުމަށް ތާއީދު ކުރެއްވިއިރު، ވޯޓުގައި ބައިވެރިވެވަޑައިގެންނެވި 70 މެމްބަރުންގެ ވޯޓުން އެމަނިކުފާނު ތަޤްރީރުކުރެއްވުމަށް ވަނީ ފާސްވެފައެވެ.
މިމަހުގެ 3 އިން 4 އަށް ރާއްޖޭގައި ބާއްވާ އިންޑިއަން އޯޝަން ކޮންފަރެންސް 2019ގައި އެމަނިކުފާނު ބައިވެރިވެވަޑައިގެން އެ ކޮންފަރެންސްގައި ޗެއަރ ކޮށްދެއްވުމަށް ވެސް ވަނީ ހަމަޖެހިފައެވެ.
19 ވަނަ މަޖިލީސް ފެށުނުފަހުން އިންޑިއާގެ ބޮޑުވަޒީރު ނަރެންދްރަ މޯދީ އާއި، ޔޫރަޕިއަން ޔޫނިއަންގެ ނާއިބު ރައީސް ފެޑެރީކާ މޮގެރީނީ ވަނީ މަޖިލީހުގައި ތަޤްރީރު ކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް