މާހާން އެއާ ފިޔަވައި އީރާނުގެ އެހެން އެއާލައިންތަކަށް ނަޖަފް ބައިނަލްއަޤުވާމީ ވައިގެ ބަނދަރުން ދުވާލެއްގެ މައްޗަށް 40 ދަތުރާ ހަމައަށް ކުރެވޭ ގޮތަށް ޢިރާޤުން ހަމަޖައްސައިފި އެވެ.

ޢިރާޤުގެ ބޮޑުވަޒީރު ޢަލީ އަލް ޒައިދީ ވިދާޅުވީ އެގައުމުން އެދުނު އިސްތިސްނާ ދިނުމުގައި އެމެރިކާ ސަރުކާރުން ދެއްކި އެއްބާރުލުމާއި ޕޮޒިޓިވް ޖަވާބާ މެދު ހިތްހަމަޖެހޭ ކަމަށެވެ. އިރާގުން 

Advertisement

މި ފިޔަވަޅުގެ ސަބަބުން ބަލިމީހުންނާއި ދީނީ ޒިޔާރަތްތެރިންނާއި ފަތުރުވެރިންގެ ދަތުރުފަތުރަށް ލުއި ފަސޭހަތައް ލިބިގެންދާނެ ކަމަށް ވެސް ޒައިދީ ވިދާޅުވިއެވެ.

"އެއާ ޓްރެވަލް ޑަޒް ނޮޓް މިއާލީ ރެޕްރެޒެންޓް ޓްރާންސްޕޯޓޭޝަން ބިޓްވީން ޓޫ އެއާޕޯޓްސް ބަޓް ރާދާ އަ ބްރިޖް އޮފް ކޮމިއުނިކޭޝަން ބިޓްވީން ޕީޕަލްސް" ޒައިދީ ވިދާޅުވިއެވެ.

ޢިރާޤުން ޚާރިޖީ ގުޅުންތައް ބައްޓަންކުރަނީ ރައްޔިތުންގެ މަސްލަހަތަށް ބިނާކޮށް ކަމަށާއި ތަފާތު ޤައުމުތަކާ އެކު ހަމަހަމަ އަދި އެދެވޭ ގުޅުމެއް ދެމެހެއްޓުމަށް މަސައްކަތްކުރާ ކަމަށް ވެސް ޒައިދީ ވިދާޅުވިއެވެ.

މި އިޢުލާނު އައީ ދެ ޤައުމުގެ ދެމެދުގައި ވައިގެ ދަތުރުތަކަށް އެޅިފައިވާ ހުރަސްތައް ނައްތައިލުމަށް އީރާނުން ޢިރާޤަށް ގޮވައިލިތާ އެއް ދުވަސް ފަހުންނެވެ. އެ ހުރަސްތަކުގެ ސަބަބުން ދީނީ ޒިޔާރަތްތެރިންނާއި ބަލިމީހުންނާއި ދަރިވަރުންނާއި ވިޔަފާރިވެރިންނަށް ދަތިތައް ކުރިމަތިވެފައިވާ ކަމަށް ތެހެރާނުން ބުންޏެވެ. އެމެރިކާގެ ދަތިކުރުމުގެ ފިޔަވަޅުތަކުގެ ސަބަބުން މި ހުރަސްތައް އެޅިފައިވާ ކަމަށް އީރާނުން ތުހުމަތުކޮށް ޤަވާއިދުން ވައިގެ ދަތުރުފަތުރު އިޢާދަކުރުމަށް ބަޣުދާދުގައި އެދިފައިވެއެވެ.

މި އެއްބަސްވުމުން އިސްތިސްނާ ކޮށްފައިވާ މާހާން އެއާ އަކީ އީރާނުގެ ޕްރައިވެޓް އެއާލައިނެކެވެ. އެ އެއާލައިން 2011 ވަނަ އަހަރުން ފެށިގެން އެމެރިކާގެ ދަތިކުރުމުގެ ފިޔަވަޅުތަކުގެ ދަށުގައި އޮތް އިރު އެމެރިކާގެ ޓްރެޝަރީ ޑިޕާޓްމެންޓުން އެ އެއާލައިން ފާހަގަކުރީ އީރާނުގެ ރެވޮލިއުޝަނަރީ ގާޑުގެ ޤުދުސް ފޯސް އަށް މާލީ އަދި މެޓީރިއަލް އެހީތެރިކަން ފޯރުކޮށްދޭ ކަމުގެ ތުހުމަތުގައެވެ.