އަމީނީމަގުގައި އަލުން ތާރު އެޅުމުގެ މަސައްކަތުގެ ފުރަތަމަ ސެގްމެންޓު ނިންމައި އަންނަ މަހުގެ ހަތަރު ވާ އާދިއްތަ ދުވަހު އެ ސަރަޙައްދު ޢާންމުންނަށް ހުޅުވައިލުމަށް ނިންމާފައިވާ ކަމަށް އިންފްރާސްޓްރަކްޗާ މިނިސްޓްރީން މިއަދު ބުނެފިއެވެ.

އެ ސެގްމެންޓުގައި ތާޜު އަޅާ ނިންމާލީ މިދިޔަ ހޯމަ ދުވަހުއެވެ. އެ ސަރަހައްދަކީ ދަރުމަވަންތަ ހޮސްޕިޓަލުން ފެށިގެން ދިވެހިރާއްޖޭގެ އަޑާއި ހަމައެވެ.

Advertisement

އެމްޓީސީސީއާ މި މަސައްކަތް ހަވާލުކުރީ މިދިޔަ ޖޫން މަހުއެވެ. ތާރުގަނޑު އުފުލި ބޮޑެތި އަޑިގުޑަންތައް ހެދިފައި އޮތުމުން ކުރީގެ ތާރުގަނޑު އެއްކޮށް ނެގުމަށް ފަހު އަލުން ހެދުމުގެ މަޝްރޫޢެއް ފެށީ ދުއްވާ ފަރާތްތަކަށް ނުރައްކާ ކުރިމަތިވާތީއެވެ.

މި މަސައްކަތް ކުރިޔަށް ގެންދާނީ އަމީނީ މަހުގެ ބަހުގެ ހިދުމަތް ވަނީ ވަގުތީ ގޮތުން މެދުކަނޑާލާފައި އެވެ. ބަންދުކޮށްފައިވާ ސަރަހައްދަކީ މާލެއާއި ހުޅުމާލެ އަދި އެއާޕޯޓަށް ބަސް ދަތުރު ކުރާ ސަރަހައްދެކެވެ.

އަމީނީމަގު ޒަމާނީ ފެންވަރަށް ތަރައްޤީ ކުރުމުގެ ބިޔަ މަޝްރޫޢެއް ކުރީގެ ރައީސް އިބްރާހީމް މުޙައްމަދު ޞާލިޙުގެ ސަރުކާރުން އާރްޑީސީއާ ހަވާލުކޮށް ފެށީ ޖުލައި 2022 ގައެވެ. ފިޔަވަހިތަކަކަށް ބަހައިލައިގެން ކުރިއަށް ގެންދިޔަ އެ މަޝްރޫޢުގެ އެންމެ ފަހު ބައި ނިންމައި ހުޅުވީ 2024 ވަނަ އަހަރުއެވެ.

ނަމަވެސް މަގުގެ އެކި ހިސާބުތަކުގެ ތާރުގަނޑު ބޮޑަށް ހަލާކުވެ މިދިޔަ އަހަރު ވެސް ބައެއް ސަރަޙައްދުތައް މަރާމާތުކުރަން ޖެހުނެވެ.