ރ. އަނގޮޅިތީމުން ހައްޔަރު ކުރި ފިރިހެން މީހާގެ ބަންދުގެ މުއްދަތު ޖަހައިފި އެވެ.

އެމީހާ ހައްޔަރު ކުރީ ނަމާދަށް ހުރި އުމުރުން ދުވަސްވީ އަންހެނަކަށް ޖިންސީ ގޯނާކޮށް މަރުގެ އިންޒާރު ދިން މައްސަލައެއްގައި އިއްޔެ ރޭ އެވެ.

Advertisement

ހައްޔަރު ކުރީ 44 އަހަރުގެ ދިވެހި ފިރިހެނެކެވެ. ފުލުހުން ބުނީ މި މައްސަލައިގަ ބަންދުގެ މުއްދަތު އިތުރު ކުރުމަށް ކޯޓަށް ހާޒިރު ކުރުމުން އެމީހާގެ ބަންދަށް 15 ދުވަސް ޖަހައިދީފައިވާ ކަމަށެވެ.

އެ ފިރިހެން މީީހާ ޖިންސީ ގޯނާކޮށް އަންހެން މީހާއަށް މަރުގެ އިންޒާރު ދިނީ މިދިޔަ އާދިއްތަ ދުވަހުގެ ރޭ އަންހެން މީހާގެ ގޭ ކޮޓަރީގައި ނަމާދަށް ހުއްޓަ އެވެ. އެ ހާދިސާގައި އަނިޔާ ލިބުނު މީހާއަށް އަނގޮޅިތީމު ހެލްތު ސެންޓަރުގައި ފަރުވާދިނުމަށްފަހު ވަނީ ދޫކޮށްލާފައެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.