ކަރީނާ ކަޕޫރް ޚާން ހޯސްޓުކުރާ "ޗެޓް ޝޯ ވޮޓް ވިމެން ވޯންޓް" ގެ ހަ ވަނަ ސީޒަނުގައި ޝާހިދް ކަޕޫރްގެ އަންހެނުން މީރާ ކަޕޫރް ބައިވެރިވެރި ކޮށްފައިވާކަން ކަރީނާ ހާމަކޮށްފި އެވެ.

މިއީ އެ ދެ ދެމީހުން އެކުގައި ފުރަތަމަ ފަހަރަށް ޝޯއެއްގައި ފެނިގެންދާނެ ފަހަރެވެ. އެ ޝޯގައި މީރާ ފެނިގެންދާ އެޕިސޯޑުގެ ޝޫޓިން މިހާރުވަނީ ނިންމާލާފައި އެވެ.

Advertisement

މިރްޗީ ޕްލަސް އިން ދައްކާ މި ޝޯގެ ފޯމެޓާ އެއްގޮތަށް ކައިވެންޏާއި ޢާއިލާއާއި އަންހެނުންނާ ގުޅޭ ތަފާތު މައުޟޫޢުތަކާ ބެހޭ ގޮތުން ދެ ފަރާތުން ވާހަކަ ދައްކާނެ ކަމަށް ބެލެވެއެވެ. ޝޫޓިންގެ ތެރެއިން ނެގި ފޮޓޯއެއް ކަރީނާ އޭނާގެ އިންސްޓަގްރާމް ސްޓޯރީގައި ހިއްސާކޮށް މީރާ ސިފަކުރީ ވަރަށް ހިތްގައިމު އަދި ލޮބުވެތި މީހެއްގެ ގޮތުގައެވެ.

މީރާ ވަނީ ކަރީނާގެ ސްޓޯރީ ރީޕޯސްޓުކޮށް ޝޯގެ ސެޓުން ނެގި ގިނަ ފޮޓޯތަކެއް ވެސް ޕޯސްޓުކޮށްފައެވެ. އަދި އޭނާ އެ ޝޯގައި ބައިވެރި ކުރީތީ ޝުކުރު އަދާކޮށްފައިވެ އެވެ. ކިއާރާ އަދްވާނީ އާއި އާތިޔާ ޝެޓީ ފަދަ ތަރިން ވަނީ އެ ޕޯސްޓަށް ލައިކް ދީފައެވެ.

މި އެޕިސޯޑް ދޫކޮށްލާ ދުވަހެއް އަދި ރަސްމީކޮށް އިޢުލާނުކޮށްފައެއް ނުވެއެވެ.

ކަރީނާ އާއި މީރާ އެއް ޝޯއަކުން ފެނުން ގިނަ ބައެއްގެ ޝައުގު ދަމައިގަތީ ކަރީނާ އާއި ޝާހިދް ކަޕޫރް ކުރިން ލޯބީގެ ގުޅުމެއް ބާއްވާފައިވާތީއެވެ. ފަހުން ދެ ފަރާތް ވެސް ވަކިވެ ކަރީނާ 2012 ވަނަ އަހަރު ސައިފް ޢަލީ ޚާން އާ ކައިވެނިކޮށް ތައިމުރް އާއި ޖެ ލިބިފައިވާ އިރު ޝާހިދް 2015 ގައި މީރާ އާ ކައިވެނިކޮށް މީޝާ އާއި ޒައިން ލިބިފައިވެއެވެ.

ކައިވެނީގެ ކުރީކޮޅު ކަރީނާ އާއި މީރާ ވެފައިވަނީ އެކަކު އަނެކަކަށް ދެއްކުމުގެ ގޮތުން ވަރަށް ގިނަ ކަންކަން ކުރި ބައެއްގެ ގޮތުގައި އެވެ. އެގޮތުން މީރާ ޝާހިދު އާއި އެކު ތަންތަނަށް ގޮސް، އާއިލާ މުހިންމުވާން ޖެހޭ ވަރާއި ގޮތުން ކަރީނާއަށް އަމާޒުކޮށް ބަހުގެ ހަމަލާތައް އަމާޒުކޮށްފައިވެ އެވެ. މީޑީއާގެ ސަމާލުކަމަށް އެކަން އައީ ކަރީނާވެސް މީރާގެ ޕޯސްޓުތަކާއި ގުޅުވައި އޭރު ނުސީދާކޮށް ޕޯސްޓުކޮށްފައި ހުންނާތީ އެވެ.

ކަރީނާ އާއި ޝާހިދް އެކުގައި އިޝްޤް ވިޝްކް އާއި ޗުޕް ޗުޕް ކޭ އާއި ޖަބް ވީ މެޓް ފަދަ ފިލްމްތަކުގައި މަސައްކަތްކޮށްފައިވާ އިރު އެންމެ ފަހުން ދެ ތަރިން އެކުގައި ފެނިފައިވަނީ އުޅްތާ ޕަންޖާބް އިންނެވެ.