ބޮލީވުޑް ތަރި ސަލްމާން ޚާން މި ފަހުން ޝޯއެއްގެ ތެރެއިން ޓީޝާޓު ބާލައި ހަށިގަނޑު ދައްކާލުމުން ކުރަމުންދާ ބަހުސްތަކާއި ގުޅޭގޮތުން ވާހަކަ ދައްކައިފި އެވެ.

ސަލްމާން ޓީޝާޓު ބޭލީ ބިގް ބޮސްގެ އެޕިސޯޑެއްގެ ތެރެއިންނެވެ. އެ މަންޒަރު އޭނާގެ ސަޕޯޓަރުންނަށް ކަމު ދިޔަޔަސް އޭނާގެ ހަށިގަނޑަށް ފާޑުކީ މީހުންވެސް މަދެއް ނޫނެވެ. އެގޮތުން މިހާޜު ދުވަސްވެފައި ހުރި ސަލްމާން މުސްކުޅިވެފައިވާކަން އެނގޭ ކަމަށާއި މިހާރު ހަށިގަނޑު ދައްކައިގެން މީހުންގެ ސަމާލުކަން ހޯދަން އުޅުން ރީތި ނޫން ކަމަށް ބުނި މީހުން މަދެއް ނޫނެވެ.

Advertisement

ސަލްމާން ޓީޝާޓު ބޭލުމާއި ގުޅޭގޮތުން ވާހަކަ ދައްކަމުން މި ހަފްތާގެ ބިގް ބޮސްގެ އެޕިސޯޑުގައި ސަލްމާން ބުނީ ޓީޝާޓް ބާލައިލީ ފިޓު ހަށިގަނޑެއް ދައްކައިލުމުގެ ނިޔަތުގައި ނޫން ކަމަށެވެ. އޭނާ ބުނި ގޮތުގައި އަދި ސިކްސް ޕެކް ނެތް ކަމާއި ކުރިއަށް އޮތް ފިލްމަށް ތައްޔާރުވުމަށް ދެ މަހެއްހާ ދުވަހު މަސައްކަތް ކުރަން އެބައޮތް ކަމަށެވެ.

ހަށިގަނޑު ރީތިކޮށް ބައްޓަން ކުރުމުގެ ދަތުރު އަދި ވެސް ކުރިއަށްދާނެ ކަމަށް ސަލްމާން ފާހަގަކޮށްފައިވެއެވެ.

އޭނާ ބުނީ ހަށިގަނޑު ދައްކާލީ މިހާރު ސިކްސް ޕެކް ނެތްކަން ދައްކަން ކަމަށާއި ބެލުންތެރިންނަށް އޭނާގެ ހަށިގަނޑު ކަމުދިޔައީތީ ހައިރާންވީ ކަމަށް ވެސް ބުންޏެވެ. ސަލްމާން އެ ޕްރޮގްރާމްގައި ތަކުރާރުކޮށް ބުނީ ފިޓްވެ ނިމިގެން ދެއްކީ ނޫން ކަމަށާއި ފިޓް ނޫން ހާލަތުގައި ހުރެ ދެއްކީ ކަމަށެވެ.

ފާއިތުވި ހަފުތާގައި ސަލްމާން ޓީޝާޓު ބޭލީ ޝޯގެ ބައިވެރިޔެއް ކަމަށްވާ ސްކައުޓާ ބެހޭ ގޮތުން ވާހަކަ ދައްކަމުން ސޯޝަލް މީޑިއާގައި ބޮޑީ ޝޭމް ކުރާ ޓްރޯލުންނާ ދެކޮޅަށެވެ. އެ ވަގުތު ސަލްމާން މޭކަޕް ފޮހެ ތޮތްޕާއި ޖެކެޓް ބޭލުމަށް ފަހު ޓްރޯލުންނަށް ގޮންޖެހީ ކެރެންޏާ ޓްރޯލް ކުރާށޭ ބުނަމުންނެވެ.