ރ. އަނގޮޅިތީމު ގެއަކަށްވަދެ އަންހެނަކަށް ޖިންސީ ގޯނާކޮށް މަރުގެ އިންޒާރުދިން ކަމުގެ ތުހުމަތުގައި މީހަކު ހައްޔަރު ކޮށްފި އެވެ.

މި މައްސަލައާ ގުޅިގެން، ކޯޓު އަމުރެއްގެ ދަށުން 44 އަހަރުގެ ދިވެހި ފިރިހެނަކު ވަނީ ހައްޔަރުކޮށްފައި ވެއެވެ. އެމީހާ ހައްޔަރު ކުރީ ރޭ 9:57 ހާއިރު އެވެ.

Advertisement

ފުލުހުން ބުނީ އެ ރަށު ގެއަކަށް މީހަކު ވަދެ ގަދަކަމުން ޖިންސީގޯނާކޮށް މަރާލާނޭކަމަށް ބުނެ އިންޒާރުދިނީ 72 އަހަރުގެ ދިވެހި އަންހެނަކަށް ކަމަށެވެ. އެ މައްސަލަ ހުށަހެޅި މިދިޔަ އާދިއްތަ ދުވަހުގެ ރޭ 8:30 ގައި ކަމަށް ފުލުހުން މައުލޫމާތުދެ އެވެ.

އެ ހާދިސާގައި އަނިޔާ ލިބުނު މީހާއަށް އަނގޮޅިތީމު ހެލްތު ސެންޓަރުގައި ފަރުވާދިނުމަށްފަހު ވަނީ ދޫކޮށްލާފައެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.