މިއަހަރުގެ ވޯލްޑްކަޕުން ވިދާލި ކޭޕްވާޑޭގެ ގޯލްކީޕަރު ވޮޒީނިއާގެ ދިރިއުޅުން ވަރަށް ބޮޑަށް ބަދަލުވެ، އުނދަގޫ ވެއްޖެ ކަމަށް އޭނާ ބުނެފި އެވެ.

އުމުރުން 41 އަހަރުގެ ވޮޒީނިއާ ވިދާލީ ވޯލްޑްކަޕްގައި ވަރުގަދަ ޓީމުތައް ގޯލަށް އަމާޒު ކުރި ބޯޅަތައް ދިފާއު ކުރުމުގައި ދެއްކި ހުނަރުންނެވެ. ކޭޕްވާޑޭއާ ދެކޮޅަށް ކުޅުނު މެޗުތަކުން އިދިކޮޅު ޓީމުތައް މޮޅުވިޔަސް އެހާ ކުޑަ ޓީމެއް ބޮޑު ބައްޔަކުން ބަލި ކުރެވޭގޮތް ނުވެފައިވަނީ ވޮޒީނިއާގެ ހުށިޔާރުކަމުން ކަމަށް ބުނެ އެވެ.

Advertisement

މީޑިއާގައި މިފަހުން ދިން އިންޓަވިއުއެއްގައި ވޮޒީނިއާ ބުނީ ދިރިއުޅުމުގައި ކުރިން ލިބުނު ހަމަޖެހުން މުޅިން ގެއްލިފައިވާކަމަށެވެ. ޒާތީ ދިރިއުޅުން މިހާރު ނެތް ކަމަށް އޭނާ ބުންޏެވެ.

ވޮޒީނިއާ ބުނީ މަޝްހޫރުކަން ލިބުމާ އެކު ޒާތީ ދިރިއުޅުމާ، ޖާގަ ކުޑަވެ ބޭރަށް ނުކުންނަ ކޮންމެ ފަހަރަކު ފޮޓޯއަކަށް ނުވަތަ ސޮޔަކަށް މީހުން އެދެމުންދާ ކަމަށެވެ. އެއަށް ވުރެ ދެރައީ ބައެއް ފަރާތްތަކުން ފަހަތުން ހިނގައި އޭނާގެ ވީޑިއޯކުރާތީ ކަންވެސް އެ ކީޕަރު ފާހަގަކުރިއެވެ.

އެހެންވެ ކުރީ ދިރިއުޅުމާއި މިހާރު ދިރިއުޅުމާއި ދެމެދުން އިހްތިޔާރު ކުރާނީ ކުރީގެ ދިރިއުޅުން ކަމަށް ބުންޏެވެ. މި އުނދަގޫ ހުރި ނަމަވެސް ފުރުސަތުތައް ދޫކޮށްލައި އާންމު ދިރިއުޅުން ހިޔާރު ކުރުމުގެ ވިސްނުން އޭނާގެ ނެތެވެ.

ވޯލްޑް ކަޕް ކުރިއަށް ދިޔައިރު ގިނަ ކުންފުނިތަކާއި ބްރޭންޑުތަކުން ގުޅިގެން މަސައްކަތް ކުރުމަށް ހުށަހެޅި ނަމަވެސް މުބާރާތުގެ ތެރޭގައި ހަމައެކަނި ޔޫއެފްއެލް މޮބައިލާ އެކު އެއް ޕްރޮމޯޝަނަލް ކޮލެބޮރޭޝަނެއް ކުރި ކަމަށް ވޮޒީނިއާ ބުންޏެވެ.

އަދިވެސް ފުރުސަތު ލިބިއްޖެ ނަމަ އިޝްތިހާރު ކުޅޭނެ ކަމަށް ބުންޏެވެ. ނަމަވެސް ދުންފަތާއި ބަނގުރާ އަދި ބެޓިން ބްރޭންޑުތަކާ އެކު މަސައްކަތް ކުރުމުގެ ވިސްނުމެއް ނެތް ކަމަށް ވެސް އޭނާ ހާމަކުރިއެވެ.