ބޮލީވުޑް އެކްޓަރު އަކްޝޭ ވިނޯދު ކަންނާ އިންޑިއާގެ މުމްބާއީގެ މަލަބާރު ހިލް ސަރަހައްދުން އަގުބޮޑު އެޕާޓްމެންޓެއް ގަނެލައިފި އެވެ.

ރިޕޯޓުތައް ބުނާގޮތުގައި އެ ލަގްޒަރީ އެޕާޓްމެންޓު ގަނެފައިވަނީ 33.26 ކުރޯޑު އިންޑިއާ ރުޕީސްއަށެވެ.

Advertisement

ޖުމްލަ 2,516.84 އަކަ ފޫޓުގެ މި ފުލެޓުގެ ކާޕެޓް ސަރަހައްދުގައި 2,341.39 އަކަ ފޫޓު ހިމެނޭއިރު ބެލްކަނީގެ ބައިގައި 175.45 އަކަ ފޫޓު ހުރެއެވެ. ތިން ޕާކިން ޖާގައާ އެކު ލިބޭ މި ތަން ރެޖިސްޓާ ކޮށްފައިވަނީ ސެޕްޓެމްބަރު 2026 ގައެވެ.

ސްޓޭމްޕް ޑިއުޓީގެ ގޮތުގައި 1.99 ކުރޯޑު ރުޕީސް ރެޖިސްޓްރޭޝަން ޗާޖުގެ ގޮތުގައި 30,000 ރުޕީސް އަކްޝޭ ދައްކާފައިވެއެވެ.

ޢަރަބި ކަނޑުގެ އައްސޭރިފަށުގައި އޮންނަ މަލަބާރު ހިލް އަކީ ދެކުނު މުމްބާއީގެ އެންމެ ޕްރީމިއަމް ރެސިޑެންޝަލް ސަރަހައްދުތަކުގެ ތެރޭގައި ހިމެނޭ ތަނެކެވެ. ނެރިމަން ޕޮއިންޓާއި ފޯޓް ފަދަ ވިޔަފާރި ސަރަހައްދުތަކާ ކައިރީގައި އޮންނަ މި ތަނަކީ ވިޔަފާރިވެރިންނާއި ސީނިއާ ޕްރޮފެޝަނަލުންގެ މެދުގައި މަޤުބޫލު ސަރަހައްދެއް ކަމަށް ރިޕޯޓުތައް ބުނެ އެވެ.

ކުޅަދާނަ އެކްޓަރު ވިނޯދު ޚައްނާގެ ދަރި އަކްޝޭ ބޮޑު ބްރޭކަކަށްފަހު މިހާރު ދަނީ ފިލްމުތަކުން ފެންނަ ވަރު އިތުރުވަމުންނެވެ. ނަމަވެސް އޭނާއަށް ބައްޕައަށް ލިބުނު ވަރުގެ ކުޅަދާނަ ކަމާއި ސަޕޯޓެއް ނުލިބެ އެވެ.

އަކްޝޭ ކުޅެފައިވާ ފިލްމުތަކުގެ ތެރޭގައި "ދީލް ޗާހްތާ ހޭ" "ރޭސް" "ހުލްޗުލް" "ދްރިޝްޔަމް" އަދި "ގާންދީ މައި ފާދާ" ފަދަ ފިލްމުތައް ހިމެނެ އެވެ.

މީގެ އިތުރުން ތާރީޚީ އެކްޝަން ފިލްމު "ޗާވާ"ގައި އައުރަންގްޒޭބުގެ ރޯލާއި ސްޕައި އެކްޝަން ތުރިލާ "ދުރަންދަރު"ގައި ރެހެމާން ޑަކައިތުގެ ރޯލުން ބޮޑު މަޤުބޫލުކަމެއް އޭނާ ވަނީ ހޯދާފައިއެވެ. އެ ދެ ފިލްމަކީ ވެސް ބޮލީވުޑްގެ އެންމެ ބޮޑު އާމްދަނީ ހޯދި ފިލްމުތަކުގެ ތެރޭގައި ހިމެނޭ ފިލްމުތަކެވެ.