މާލޭ ފަތާ ޓްރެކް ސަރަހައްދުގައި ޕާކުކޮށްފައި ހުރި ސައިކަލެއްގެ މަޑިދަށުން ވަގަށް ނެގި 150،000 ރުފިޔާގެ ތެރެއިން ބައެއް ހޯދައި ވެރިފަރާތާއި ހަވާލުކޮށްފި އެވެ.

ފުލުހުން ބުނީ އެ ފައިސާގެ ތެރެއިން މިހާތަނަށް ހޯދިފައިވަނީ 95،000 ރުފިޔާ ކަމަށެވެ.

Advertisement

މި މައްސަލަ ފުލުހުންނަށް ހުށަހެޅީ މިމަހުގެ 23 ވަނަ ދުވަހުގެ ރޭ އެވެ. އެ ވައްކިަން ކުރި މީހާ ދެނެގަތީ އެ ސަރަހައްދުގެ ސީސީީޓީވީ ފުޓޭޖުތައް ބަލައި ދިރާސާކޮށްގެން ކަމަށް ބުނެފައިވެ އެވެ.

އެމީހާ ފުލުހަށް ހާޒިރުކޮށް ސުވާލުކުރުމުން ފައިސާ ނެގިކަމަށް އިއުތިރާފްވިކަމަށް ފުލުހުން ބުނެ އެވެ.

އަދި ވަގަށް ނެގި ފައިސާގެ ތެރެއިން ތުހުމަތުކުރެވޭ މީހާގެ އެކައުންޓުގައި ހުރި 55،000 ރުފިޔާ ފުލުހުންނާ ހަވާލުކޮށްފައި އެވެ. އިތުރު 40،000 ރުފިޔާ ވަނީ ސީދާ ވެރިފަރާތުގެ އެކައުންޓަށް ޖަމާކޮށްދީފައެވެ.

ބާކީ 55000 ރުފިޔާ ތުހުމަތުކުރެވޭ ފަރާތުން ޚަރަދުކޮށްފައިވާތީ އެ ފައިސާ އަނބުރާ ހޯދުމުގެ މަސައްކަތް ދަނީ ކުރިއަށެވެ.

މި މައްސަލައާ ގުޅިގެން އެއްވެސް މީހަކު ހައްޔަރުކޮށްފައެއް ނުވެއެވެ.