ކިޑްނީ ފެއިލްވެ ފަރުވާ ހޯދަމުންދާ މަޝްހޫރު ކުޅިވަރު ނޫސްވެރިޔާ ސާއިދު އަހުމަދުގެ ހާލު ސީރިއަސްވެ އައިސީޔޫގައި ފަރުވާ ދޭން ފަށައިފި އެވެ.

ދައުލަތުގެ މީޑިއާ ޕީއެސްއެމްގެ ކުޅިވަރު ނިއުސް އެޑިޓަރުގެ ގޮތުގައި ވަޒީފާ އަދާ ކުރާ ސާއިދުގެ ހާލު ސީރިއަސްވީ މިއަދު ހެނދުނު އައިޖީއެމްއެޗުން ޑަޔަލަސިސް ހަދައި ނިންމި ފަހުންނެވެ. ހާލު ސީރިއަސްވެ  އައިސީޔޫގައި ފަރުވާދޭން ފެށި އިރު ސާއިދު ދިޔައީ ކިޑްނީ ބަދަލު ކުރުމަށް ރާއްޖެއިން ބޭރަށް ފުރުމަށް ތައްޔާރުވަމުންނެވެ.

Advertisement

ސާއިދުގެ ގާތް މީހުންނާއި ހަވާލާދީ ބައެއް މީޑިއާ ރިޕޯޓުތައް ބުނާގޮތުގައި ސާއިދުގެ ހާލު ސީރިއަސްވީ ސްޓްރޯކެއް ޖެހިގެންނެވެ. އަދި އޭނާގެ ހާލު ވަރަށް ސީރިއަސް ކަމަށް ބުނެފައިވެ އެވެ.

ސާއިދުގެ ކިޑްނީ ފެއިލްވެފައިވާކަން އެނގުނީ 2018 ވަނަ އަހަރު އެވެ. އޭރުއްސުރެ އޭނާ ދިޔައީ ގަވައިދުން ޑައިލިސިސް ހަދަމުންނެވެ.

ކިޑްނީ ޓްރާންސްޕްލާންޓް ހެދުމަށް ދެ ތިން ފަހަރަކު ރާއްޖެއިން ބޭރަށް ވެސް ދިޔަ އެވެ. ނަމަވެސް އެކި ސަބަބުތަކާ ހެދި، ވަކި ހިސާބަކުން ފަރުވާ ފުރިހަމަ ނުކުރެވި، ރާއްޖެ އަންނަން ޖެހެނީ އެވެ.