ޒުވާން ބަތަލާއަކަށް ޖިންސީ ގޯނާ ކުރި ކަމުގެ ތުހުމަތުގައި ބޮލީވުޑްގެ މަޝްހޫރު ޑައިރެކްޓަރު އަދި ޕްރޮޑިއުސަރު ޝަކީލް ނޫރާނީ ހައްޔަރު ކޮށްފި އެވެ.

އިންޑިއާގެ މުމްބާއީ ފުލުހުން މީޑިއާގައި ބުނީ އުމުރުން 73 އަހަރުގެ ޝަކީލްގެ ފަރާތުން ޖިންސީ އަނިޔާ ލިބުނު ކަމަށްބުނެ މައްސަލަ ހުށަހެޅީ 33 އަހަރުގެ އަލަށް އެ ދާއިރާއަށް ނުކުމެގެން އުޅޭ އަންހެނެއް ކަމަށެވެ. އޭނާ އަށް ޖިންސީ ގޯނާ ކުރީ ފިލްމެއްގެ މަސަތްކަތުގައި ބައިވެރި ކުރާނެ ކަމަށް ބުނެ ޝަކީލްގެ ގެއަށް ގެންގޮސްފައި ކަމަށް ބުނެފައިވެ އެވެ.

Advertisement

އެ އަންހެން މީހާ ފުލުހުންނަށް ދިން ބަޔާނުގައި ބުނީ އޭނާއަށް ޖިންސީ ގޯނާ ކުރީ ބުއިމެއް ދިނުމަށް ފަހު ހޭނައްތާލައިގެންނެވެ. އަދި ހޭ އެރުމުން ވީޑިއޯއެއް ދައްކައި ބިރު ދެއްކި ކަމަށް ބުންޏެވެ.

މި މައްސަލައިގަ ފުލުހުން ނޫރާނީ ހައްޔަރު ކުރީ ފާމް ހައުސްއެއްގައި ފިލާ އޮއްވަ އެވެ. އޭނާގެ ގާނޫނީ ވަކީލު މީޑިއާގައި ބުނީ ނޫރާނީއަށް ކުރާ ތުހުމަތުތަކަށް އިންކާރު ކުރާ ކަމަށާއި ނޫރާނީގެ ކުށެއް ސާބިތުނުވާ ހިނދެއްގައި ކުށެއް ނެތް މީހެއް ކަމަށް ބެލެވެން ޖެހޭނެ ކަމަށް ބުނެފައެވެ.

ނޫރާނީ މިހާރު ހުރީ ފުލުހުންގެ ހައްޔަރުގައި އެވެ.

އޭނާ ފިލްމެއްގެ ރޯލެއް ހޯދައި ދޭނެ ކަމަށް ބުނެ ޒުވާން އަންހެނަކު ގެއަށް ގެންދިޔަ އިރު ނޫރާނީ އެންމެ ފަހުން ޑައިރެކްޓު ކުރި ފިލްމަކީ 2005 ވަނަ އަހަރު ރިލީޒް ކުރި "އެސިޑް އޮފް ލަވް" އެވެ. އެ ފިލްމުވެސް ފްލޮޕްވީ އެވެ.

އޭނާ ޑައިރެކްޓު ކުރި މަޝްހޫރު ފިލްމުތަކުގެ ތެރޭގައި 2000 ވަނަ އަހަރު ރިލީޒް ކުރި ފިލްމު "ޖޯރޫ ކާ ގުލާމް" ހިމެނެ އެވެ.