މޫސުން އިތުރަށް ގޯސްވެ ރާއްޖޭގެ ބައެއް ސަރަހައްދުތަކަށް ރީނދޫ ސަމާލު ނެރެފި އެވެ.

ސަމާލު ނެރެފައިވަނީ މިއަދު މެންދުރު 12:30 ން ހަވީރު 4:00 އާއި ހަމައަށެވެ. ރީނދޫ ސަމާލު ނެރެފައިވަނީ ރ. އަތޮޅުން ފެށިގެން ވ. އަތޮޅާއި ހަމައަށެވެ.

Advertisement

މެޓުން ބުނީ އެ ސަރަހައްދަށް ވޯކޮށް ވާރޭވެހި ގުގުރާނެ ކަމަށެވެ. އަދި ވިލާގަނޑުގައި 40 މޭލަށް ވައިގަދަވެ ކަނޑުތައްވެސް ގަދަވާނެ ކަމަށް މައުލޫމާތުދެ އެވެ.

މެޓުން މައުލޫމާތު ދޭގޮތުގައި މިހާރު ކުރަމުންދާ ވިއްސާރަ އަލިވާން ފަށާނީ އާދިއްތަ ދުވަހުން ފެށިގެންނެވެ. އަދި މާދަމާ އިތުރަށް މޫސުން ގޯސްވާނެ ކަމަށް ލަފާކުރެ އެވެ.